Anonymous, Homeric Hymns, Εἲσ Ἑρμῆν 2:

(익명 저작, Homeric Hymns, Εἲσ Ἑρμῆν 2:)

Ἑρμῆν ὕμνει, Μοῦσα, Διὸσ καὶ Μαιάδοσ υἱόν, Κυλλήνησ μεδέοντα καὶ Ἀρκαδίησ πολυμήλου, ἄγγελον ἀθανάτων ἐριούνιον, ὃν τέκε Μαῖα, νύμφη ἐυπλόκαμοσ, Διὸσ ἐν φιλότητι μιγεῖσα, αἰδοίη· Διὸσ δ’ ἐριούνιοσ υἱὸσ ἀθρήσασ ἐγέλασσε καὶ αὐτίκα μῦθον ἐείπε· μακάρων δὲ θεῶν ἠλεύαθ’ ὅμιλον, ἄντρον ἔσω ναίουσα παλίσκιον, ἔνθα Κρονίων νύμφῃ ἐυπλοκάμῳ μισγέσκετο νυκτὸσ ἀμολγῷ, ὄφρα κατὰ γλυκὺσ ὕπνοσ ἔχοι λευκώλενον Ἥρην, λήθων ἀθανάτουσ τε θεοὺσ θνητούσ τ’ ἀνθρώπουσ. ἀλλ’ ὅτε δὴ μεγάλοιο Διὸσ νόοσ ἐξετελεῖτο, τῇ δ’ ἤδη δέκατοσ μεὶσ οὐρανῷ ἐστήρικτο, εἴσ τε φόωσ ἄγαγεν ἀρίσημά τε ἔργα τέτυκτο· καὶ τότ’ ἐγείνατο παῖδα πολύτροπον, αἱμυλομήτην, ληιστῆρ’, ἐλατῆρα βοῶν, ἡγήτορ’ ὀνείρων, νυκτὸσ ὀπωπητῆρα, πυληδόκον, ὃσ τάχ’ ἔμελλεν ἀμφανέειν κλυτὰ ἔργα μετ’ ἀθανάτοισι θεοῖσιν. ἠῷοσ γεγονὼσ μέσῳ ἤματι ἐγκιθάριζεν, ἑσπέριοσ βοῦσ κλέψεν ἑκηβόλου Ἀπόλλωνοσ τετράδι τῇ προτέρῃ, τῇ μιν τέκε πότνια Μαῖα. ὃσ καί, ἐπειδὴ μητρὸσ ἀπ’ ἀθανάτων θόρε γυίων, οὐκέτι δηρὸν ἔκειτο μένων ἱερῷ ἐνὶ λίκνῳ, ἀλλ’ ὅ γ’ ἀναί̈ξασ ζήτει βόασ Ἀπόλλωνοσ οὐδὸν ὑπερβαίνων ὑψηρεφέοσ ἄντροιο. ἔνθα χέλυν εὑρὼν ἐκτήσατο μυρίον ὄλβον· Ἑρμῆσ τοι πρώτιστα χέλυν τεκτήνατ’ ἀοιδόν· ἥ ῥά οἱ ἀντεβόλησεν ἐπ’ αὐλείῃσι θύρῃσι βοσκομένη προπάροιθε δόμων ἐριθηλέα ποίην, σαῦλα ποσὶν βαίνουσα·

일치하는 문장이 없습니다.

SEARCH

MENU NAVIGATION