Anonymous, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 34:

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 34:)

ὣσ ἔφαθ’· οἳ δ’ ἄρα τοῦ μάλα μὲν κλύον ἠδ’ ἐπίθοντο. ἱστία μὲν πρῶτον κάθεσαν, λῦσαν δὲ βοείασ, ἱστὸν δ’ ἱστοδόκῃ πέλασαν προτόνοισιν ὑφέντεσ· ἐκ δὲ καὶ αὐτοὶ βαῖνον ἐπὶ ῥηγμῖνι θαλάσσησ. ἐκ δ’ ἁλὸσ ἤπειρόνδε θοὴν ἀνὰ νῆ’ ἐρύσαντο ὑψοῦ ἐπὶ ψαμάθοισ, ὑπὸ δ’ ἑρ́ματα μακρὰ τάνυσσαν· καὶ βωμὸν ποίησαν ἐπὶ ῥηγμῖνι θαλάσσησ· πῦρ δ’ ἐπικαίοντεσ ἐπί τ’ ἄλφιτα λευκὰ θύοντεσ εὔχονθ’, ὡσ ἐκέλευε, παριστάμενοι περὶ βωμόν. δόρπον ἔπειθ’ εἵλοντο θοῇ παρὰ νηὶ μελαίνῃ καὶ σπεῖσαν μακάρεσσι θεοῖσ, οἳ Ὄλυμπον ἔχουσιν. αὐτὰρ ἐπεὶ πόσιοσ καὶ ἐδητύοσ ἐξ ἔρον ἕντο, βάν ῥ’ ἴμεν· ἦρχε δ’ ἄρα σφιν ἄναξ Διὸσ υἱὸσ Ἀπόλλων, φόρμιγγ’ ἐν χείρεσσιν ἔχων, ἐρατὸν κιθαρίζων, καλὰ καὶ ὕψι βιβάσ· οἳ δὲ ῥήσσοντεσ ἕποντο Κρῆτεσ πρὸσ Πυθὼ καὶ ἰηπαιήον’ ἀείδον, οἱοῖ́ τε Κρητῶν παιήονεσ, οἷσί τε Μοῦσα ἐν στήθεσσιν ἔθηκε θεὰ μελίγηρυν ἀοιδήν. ἄκμητοι δὲ λόφον προσέβαν ποσίν, αἶψα δ’ ἵκοντο Παρνησὸν καὶ χῶρον ἐπήρατον, ἔνθ’ ἄρ’ ἔμελλον οἰκήσειν πολλοῖσι τετιμένοι ἀνθρώποισι· δεῖξε δ’ ἄγων ἄδυτον ζάθεον καὶ πίονα νηόν.

일치하는 문장이 없습니다.

SEARCH

MENU NAVIGATION