Anonymous, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 32:

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 32:)

τοὺσ δ’ ἀπαμειβόμενοσ προσέφη ἑκάεργοσ Ἀπόλλων· ξεῖνοι, τοὶ Κνωσὸν πολυδένδρεον ἀμφενεμεσθε τὸ πρίν, ἀτὰρ νῦν οὐκ ἔθ’ ὑπότροποι αὖτισ ἔσεσθε ἔσ τε πόλιν ἐρατὴν καὶ δώματα καλὰ ἕκαστοσ ἔσ τε φίλασ ἀλόχουσ· ἀλλ’ ἐνθάδε πίονα νηὸν ἕξετ’ ἐμὸν πολλοῖσι τετιμένον ἀνθρώποισιν. εἰμὶ δ’ ἐγὼ Διὸσ υἱόσ, Ἀπόλλων δ’ εὔχομαι εἶναι· ὑμέασ δ’ ἤγαγον ἐνθάδ’ ὑπὲρ μέγα λαῖμα θαλάσσησ, οὔ τι κακὰ φρονέων, ἀλλ’ ἐνθάδε πίονα νηὸν ἕξετ’ ἐμὸν πᾶσιν μάλα τίμιον ἀνθρώποισι, βουλάσ τ’ ἀθανάτων εἰδήσετε, τῶν ἰότητι αἰεὶ τιμήσεσθε διαμπερὲσ ἤματα πάντα. ἀλλ’ ἄγεθ’, ὡσ ἂν ἐγὼ εἴπω, πείθεσθε τάχιστα· ἱστία μὲν πρῶτον κάθετον λύσαντε βοείασ, νῆα δ’ ἔπειτα θοὴν μὲν ἐπ’ ἠπείρου ἐρύσασθε, ἐκ δὲ κτήμαθ’ ἕλεσθε καὶ ἔντεα νηὸσ ἐίσησ καὶ βωμὸν ποιήσατ’ ἐπὶ ῥηγμῖνι θαλάσσησ· πῦρ δ’ ἐπικαίοντεσ ἐπί τ’ ἄλφιτα λευκὰ θύοντεσ εὔχεσθαι δὴ ἔπειτα παριστάμενοι περὶ βωμόν.

일치하는 문장이 없습니다.

SEARCH

MENU NAVIGATION