Anonymous, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 31:

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 31:)

ὣσ φάτο καί σφιν θάρσοσ ἐνὶ στήθεσσιν ἔθηκε. ἀλλά τισ ἀθανάτων δεῦρ’ ἤγαγεν οὐκ ἐθέλοντασ. τὸν καὶ ἀμειβόμενοσ Κρητῶν ἀγὸσ ἀντίον ηὔδα· ξεῖν’, ἐπεὶ οὐ μὲν γάρ τι καταθνητοῖσι ἐοίκασ, οὐ δέμασ οὐδὲ φυήν, ἀλλ’ ἀθανάτοισι θεοῖσιν, οὖλέ τε καὶ μέγα χαῖρε, θεοὶ δέ τοι ὄλβια δοῖεν. καί μοι τοῦτ’ ἀγόρευσον ἐτήτυμον, ὄφρ’ εὖ εἰδῶ· τίσ δῆμοσ; τίσ γαῖα; τίνεσ βροτοὶ ἐγγεγάασιν; ἄλλῃ γὰρ φρονέοντεσ ἐπεπλέομεν μέγα λαῖτμα ἐσ Πύλον ἐκ Κρήτησ, ἔνθεν γένοσ εὐχόμεθ’ εἶναι· νῦν δ’ ὧδε ξὺν νηὶ κατήλθομεν οὔ τι ἑκόντεσ, νόστου ἱέμενοι, ἄλλην ὁδόν, ἄλλα κέλευθα·

일치하는 문장이 없습니다.

SEARCH

MENU NAVIGATION