Anonymous, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 27:

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 27:)

οἳ μὲν ἐπὶ πρῆξιν καὶ χρήματα νηὶ μελαίνῃ ἐσ Πύλον ἠμαθόεντα Πυλοιγενέασ τ’ ἀνθρώπουσ ἔπλεον· αὐτὰρ ὃ τοῖσι συνήντετο Φοῖβοσ Ἀπόλλων· ἐν πόντῳ δ’ ἐπόρουσε δέμασ δελφῖνι ἐοικὼσ νηὶ θοῇ καὶ κεῖτο πέλωρ μέγα τε δεινόν τε· τῶν δ’ οὔτισ κατὰ θυμὸν ἐπεφράσαθ’ ὥστε νοῆσαι [ἐκβάλλειν δ’ ἔθελον δελφῖν’· ὁ δὲ νῆα μέλαιναν] πάντοσ’ ἀνασσείσασκε, τίνασσε δὲ νήια δοῦρα. οἳ δ’ ἀκέων ἐνὶ νηὶ καθήατο δειμαίνοντεσ· οὐδ’ οἵ γ’ ὅπλ’ ἔλυον κοίλην ἀνὰ νῆα μέλαιναν, οὐδ’ ἔλυον λαῖφοσ νηὸσ κυανοπρώροιο, ἀλλ’ ὡσ τὰ πρώτιστα κατεστήσαντο βοεῦσιν, ὣσ ἔπλεον· κραιπνὸσ δὲ Νότοσ κατόπισθεν ἔπειγε νῆα θοήν· πρῶτον δὲ παρημείβοντο Μάλειαν, πὰρ δὲ Λακωνίδα γαῖαν ἁλιστέφανον πτολίεθρον ἷξον καὶ χῶρον τερψιμβρότου Ηἐλίοιο, Ταίναρον, ἔνθα τε μῆλα βαθύτριχα βόσκεται αἰεὶ Ηἐλίοιο ἄνακτοσ, ἔχει δ’ ἐπιτερπέα χῶρον. οἳ μὲν ἄρ’ ἔνθ’ ἔθελον νῆα σχεῖν ἠδ’ ἀποβάντεσ φράσσασθαι μέγα θαῦμα καὶ ὀφθαλμοῖσιν ἰδέσθαι, εἰ μενέει νηὸσ γλαφυρῆσ δαπέδοισι πέλωρον ἢ εἰσ οἶδμ’ ἅλιον πολυί̈χθυον αὖτισ ὀρούσει. ἀλλ’ οὐ πηδαλίοισιν ἐπείθετο νηῦσ εὐεργήσ, ἀλλὰ παρὲκ Πελοπόννησον πίειραν ἔχουσα ἠί’ ὁδόν· πνοιῇ δὲ ἄναξ ἑκάεργοσ Ἀπόλλων ῥηιδίωσ ἴθυν’· ἣ δὲ πρήσσουσα κέλευθον Ἀρήνην ἵκανε καὶ Ἀργυφέην ἐρατεινὴν καὶ Θρύον, Ἀλφειοῖο πόρον, καὶ ἐύκτιτον Αἶπυ καὶ Πύλον ἠμαθόεντα Πυλοιγενέασ τ’ ἀνθρώπουσ. βῆ δὲ παρὰ Κπουνοὺσ καὶ Χαλκίδα καὶ παρὰ Δύμην ἠδὲ παρ’ Ἤλιδα δῖαν, ὅθι κρατέουσιν Ἐπειοί. εὖτε Φερὰσ ἐπέβαλλεν, ἀγαλλομένη Διὸσ οὔρῳ, καί σφιν ὑπὲκ νεφέων Ἰθάκησ τ’ ὄροσ αἰπὺ πέφαντο Δουλίχιόν τε Σάμη τε καὶ ὑλήεσσα Ζάκυνθοσ. ἀλλ’ ὅτε δὴ Πελοπόννησον παρενίσατο πᾶσαν καὶ δὴ ἐπὶ Κρίσησ κατεφαίνετο κόλποσ ἀπείρων, ὅστε διὲκ Πελοπόννησον πίειραν ἐέργει· ἦλθ’ ἄνεμοσ Ζέφυροσ μέγασ, αἴθριοσ, ἐκ Διὸσ αἴσησ, λάβροσ ἐπαιγίζων ἐξ αἰθέροσ, ὄφρα τάχιστα νηῦσ ἀνύσειε θέουσα θαλάσσησ ἁλμυρὸν ὕδωρ. ἄψορροι δὴ ἔπειτα πρὸσ ἠῶ τ’ ἠέλιόν τε ἔπλεον· ἡγεμόνευε δ’ ἄναξ Διὸσ υἱὸσ Ἀπόλλων· ἷξον δ’ ἐσ Κρίσην εὐδείελον, ἀμπελόεσσαν, ἐσ λιμέν’· ἣ δ’ ἀμάθοισιν ἐχρίμψατο ποντοπόροσ νηῦσ.

일치하는 문장이 없습니다.

SEARCH

MENU NAVIGATION