Anonymous, Homeric Hymns, Εἲς Ἀπόλλωνα [Δήλιον]?, [Εἲς Ἀπόλλωνα Πύθιον] 10:

φοῖβε ἄναξ ἑκάεργε, ἔπος τί τοι ἐν φρεσὶ θήσω. ἐνθάδ ἐπεὶ φρονέεις τεῦξαι περικαλλέα νηὸν ἔμμεναι ἀνθρώποις χρηστήριον, οἵτε τοι αἰεὶ ἐνθάδ ἀγινήσουσι τεληέσσας ἑκατόμβας: ἀλλ ἔκ τοι ἐρέω, σὺ δ ἐνὶ φρεσὶ βάλλεο σῇσι, πημανέει ς αἰεὶ κτύπος ἵππων ὠκειάων ἀρδόμενοί τ οὐρῆες ἐμῶν ἱερῶν ἀπὸ πηγέων: ἔνθα τις ἀνθρώπων βουλήσεται εἰσοράασθαι ἁρ´ματά τ εὐποίητα καὶ ὠκυπόδων κτύπον ἵππων ἢ νηόν τε μέγαν καὶ κτήματα πόλλ ἐνεόντα.