Anonymous, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 2:

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 2:)

εἶσι δὲ φορμίζων Λητοῦσ ἐρικυδέοσ υἱὸσ φόρμιγγι γλαφυρῇ πρὸσ Πυθὼ πετρήεσσαν, ἄμβροτα εἵματ’ ἔχων τεθυωμένα· τοῖο δὲ φόρμιγξ χρυσέου ὑπὸ πλήκτρου καναχὴν ἔχει ἱμερόεσσαν. ἔνθεν δὲ πρὸσ Ὄλυμπον ἀπὸ χθονόσ, ὥστε νόημα, εἶσι Διὸσ πρὸσ δῶμα θεῶν μεθ’ ὁμήγυριν ἄλλων. αὐτίκα δ’ ἀθανάτοισι μέλει κίθαρισ καὶ ἀοιδή· Μοῦσαι μέν θ’ ἅμα πᾶσαι ἀμειβόμεναι ὀπὶ καλῇ ὑμνεῦσίν ῥα θεῶν δῶρ’ ἄμβροτα ἠδ’ ἀνθρώπων τλημοσύνασ, ὅσ’ ἔχοντεσ ὑπ’ ἀθανάτοισι θεοῖσι ζώουσ’ ἀφραδέεσ καὶ ἀμήχανοι, οὐδὲ δύνανται εὑρέμεναι θανάτοιό τ’ ἄκοσ καὶ γήραοσ ἄλκαρ· αὐτὰρ ἐυπλόκαμοι Χάριτεσ καὶ ἐύφρονεσ Ὧραι Ἁρμονίη θ’ Ἥβη τε Διὸσ θυγάτηρ τ’ Ἀφροδίτη ὀρχεῦντ’ ἀλλήλων ἐπὶ καρπῷ χεῖρασ ἔχουσαι· τῇσι μὲν οὔτ’ αἰσχρὴ μεταμέλπεται οὔτ’ ἐλάχεια, ἀλλὰ μάλα μεγάλη τε ἰδεῖν καὶ εἶδοσ ἀγητή, Ἄρτεμισ ἰοχέαιρα ὁμότροφοσ Ἀπόλλωνι. ἐν δ’ αὖ τῇσιν Ἄρησ καὶ ἐύσκοποσ Ἀργειφόντησ παίζουσ’· αὐτὰρ ὁ Φοῖβοσ Α’πόλλων ἐγκιθαρίζει καλὰ καὶ ὕψι βιβάσ· αἴγλη δέ μιν ἀμφιφαείνει μαρμαρυγαί τε ποδῶν καὶ ἐυκλώστοιο χιτῶνοσ. οἳ δ’ ἐπιτέρπονται θυμὸν μέγαν εἰσορόωντεσ Λητώ τε χρυσοπλόκαμοσ καὶ μητίετα Ζεὺσ υἱᾶ φίλον παίζοντα μετ’ ἀθανάτοισι θεοῖσι.

일치하는 문장이 없습니다.

SEARCH

MENU NAVIGATION