헬라어 문장 검색 - Ανονψμ́Ηομεριξ́03́2́02́

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 2:)

εἶσι δὲ φορμίζων Λητοῦσ ἐρικυδέοσ υἱὸσ φόρμιγγι γλαφυρῇ πρὸσ Πυθὼ πετρήεσσαν, ἄμβροτα εἵματ’ ἔχων τεθυωμένα· τοῖο δὲ φόρμιγξ χρυσέου ὑπὸ πλήκτρου καναχὴν ἔχει ἱμερόεσσαν. ἔνθεν δὲ πρὸσ Ὄλυμπον ἀπὸ χθονόσ, ὥστε νόημα, εἶσι Διὸσ πρὸσ δῶμα θεῶν μεθ’ ὁμήγυριν ἄλλων. αὐτίκα δ’ ἀθανάτοισι μέλει κίθαρισ καὶ ἀοιδή· Μοῦσαι μέν θ’ ἅμα πᾶσαι ἀμειβόμεναι ὀπὶ καλῇ ὑμνεῦσίν ῥα θεῶν δῶρ’ ἄμβροτα ἠδ’ ἀνθρώπων τλημοσύνασ, ὅσ’ ἔχοντεσ ὑπ’ ἀθανάτοισι θεοῖσι ζώουσ’ ἀφραδέεσ καὶ ἀμήχανοι, οὐδὲ δύνανται εὑρέμεναι θανάτοιό τ’ ἄκοσ καὶ γήραοσ ἄλκαρ· αὐτὰρ ἐυπλόκαμοι Χάριτεσ καὶ ἐύφρονεσ Ὧραι Ἁρμονίη θ’ Ἥβη τε Διὸσ θυγάτηρ τ’ Ἀφροδίτη ὀρχεῦντ’ ἀλλήλων ἐπὶ καρπῷ χεῖρασ ἔχουσαι· τῇσι μὲν οὔτ’ αἰσχρὴ μεταμέλπεται οὔτ’ ἐλάχεια, ἀλλὰ μάλα μεγάλη τε ἰδεῖν καὶ εἶδοσ ἀγητή, Ἄρτεμισ ἰοχέαιρα ὁμότροφοσ Ἀπόλλωνι. ἐν δ’ αὖ τῇσιν Ἄρησ καὶ ἐύσκοποσ Ἀργειφόντησ παίζουσ’· αὐτὰρ ὁ Φοῖβοσ Α’πόλλων ἐγκιθαρίζει καλὰ καὶ ὕψι βιβάσ· αἴγλη δέ μιν ἀμφιφαείνει μαρμαρυγαί τε ποδῶν καὶ ἐυκλώστοιο χιτῶνοσ. οἳ δ’ ἐπιτέρπονται θυμὸν μέγαν εἰσορόωντεσ Λητώ τε χρυσοπλόκαμοσ καὶ μητίετα Ζεὺσ υἱᾶ φίλον παίζοντα μετ’ ἀθανάτοισι θεοῖσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Anonymous, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 2:

(익명 저작, Homeric Hymns, Εἲσ Ἀπόλλωνα [Δήλιον], [Εἲσ Ἀπόλλωνα Πύθιον] 2:)

상위

목록

SEARCH

MENU NAVIGATION