호흡부호 보기
강세부호 보기
장단부호 보기
작은 Iota 보기
모든 부호 보기
αὐτὸσ δ’, ἀργυρότοξε, ἄναξ ἑκατηβόλ’ Ἄπολλον, ἄλλοτε μέν τ’ ἐπὶ Κύνθου ἐβήσαο παιπαλόεντοσ, ἄλλοτε δ’ ἂν νήσουσ τε καὶ ἀνέρασ ἠλάσκαζεσ. πολλοί τοι νηοί τε καὶ ἄλσεα δενδρήεντα· πᾶσαι δὲ σκοπιαί τε φίλαι καὶ πρώονεσ ἄκροι ὑψηλῶν ὀρέων ποταμοί θ’ ἅλαδε προρέοντεσ· ἀλλὰ σὺ Δήλῳ, Φοῖβε, μάλιστ’ ἐπιτέρπεαι ἦτορ, ἔνθα τοι ἑλκεχίτωνεσ Ιἄονεσ ἠγερέθονται αὐτοῖσ σὺν παίδεσσι καὶ αἰδοίῃσ ἀλόχοισιν. οἱ δέ σε πυγμαχίῃ τε καὶ ὀρχηθμῷ καὶ ἀοιδῇ μνησάμενοι τέρπουσιν, ὅτ’ ἄν στήσωνται ἀγῶνα. φαίη κ’ ἀθανάτουσ καὶ ἀγήρωσ ἔμμεναι αἰεί, ὃσ τόθ’ ὑπαντιάσει’, ὅτ’ Ιἄονεσ ἀθρόοι εἰε͂ν· πάντων γάρ κεν ἴδοιτο χάριν, τέρψαιτο δὲ θυμὸν ἄνδρασ τ’ εἰσορόων καλλιζώνουσ τε γυναῖκασ νῆάσ τ’ ὠκείασ ἠδ’ αὐτῶν κτήματα πολλά. πρὸσ δὲ τόδε μέγα θαῦμα, ὁού κλέοσ οὔποτ’ ὀλεῖται, κοῦραι Δηλιάδεσ, ἑκατηβελέταο θεράπναι· αἵ τ’ ἐπεὶ ἂρ πρῶτον μὲν Ἀπόλλων’ ὑμνήσωσιν, αὖτισ δ’ αὖ Λητώ τε καὶ Ἄρτεμιν ἰοχέαιραν, μνησάμεναι ἀνδρῶν τε παλαιῶν ἠδὲ γυναικῶν ὕμνον ἀείδουσιν, θέλγουσι δὲ φῦλ’ ἀνθρώπων. πάντων δ’ ἀνθρώπων φωνὰσ καὶ βαμβαλιαστὺν μιμεῖσθ’ ἴσασιν· φαίη δέ κεν αὐτὸσ ἕκαστοσ φθέγγεσθ’· οὕτω σφιν καλὴ συνάρηρεν ἀοιδή.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기