Anonymous, Homeric Hymns, Εἲσ Ἀπόλλωνα [Δήλιον], part 9:

(익명 저작, Homeric Hymns, Εἲσ Ἀπόλλωνα [Δήλιον], part 9:)

αἳ δ’ Ἶριν προὔπεμψαν ἐυκτιμένησ ἀπὸ νήσου, ἀξέμεν Εἰλείθυιαν, ὑποσχόμεναι μέγαν ὁρ́μον, χρυσείοισι λίνοισιν ἐερμένον, ἐννεάπηχυν· νόσφιν δ’ ἤνωγον καλέειν λευκωλένου Ἥρησ, νή μιν ἔπειτ’ ἐπέεσσιν ἀποστρέψειεν ἰοῦσαν. αὐτὰρ ἐπεὶ τό γ’ ἄκουσε ποδήνεμοσ ὠκέα Ἶρισ, βῆ ῥα θέειν, ταχέωσ δὲ διήνυσε πᾶν τὸ μεσηγύ. αὐτὰρ ἐπεί ῥ’ ἵκανε θεῶν ἕδοσ, αἰπὺν Ὄλυμπον, αὐτίκ’ ἄρ’ Εἰλείθυιαν ἀπὲκ μεγάροιο θύραζε ἐκπροκαλεσσαμένη ἔπεα πτερόεντα προσηύδα, πάντα μάλ’, ὡσ ἐπέτελλον Ὀλύμπια δώματ’ ἔχουσαι. τῇ δ’ ἄρα θυμὸν ἔπειθεν ἐνὶ στήθεσσι φίλοισι· βὰν δὲ ποσὶ τρήρωσι πελειάσιν ἴθμαθ’ ὁμοῖαι. εὖτ’ ἐπὶ Δήλου ἔβαινε μογοστόκοσ Εἰλείθυια, δὴ τότε τὴν τόκοσ εἷλε, μενοίνησεν δὲ τεκέσθαι. ἀμφὶ δὲ φοίνικι βάλε πήχεε, γοῦνα δ’ ἔρεισε λειμῶνι μαλακῷ· μείδησε δὲ γαῖ’ ὑπένερθεν· ἐκ δ’ ἔθορε πρὸ φόωσδε· θεαὶ δ’ ὀλόλυξαν ἅπασαι.

일치하는 문장이 없습니다.

SEARCH

MENU NAVIGATION