Anonymous, Homeric Hymns, Εἲσ Δημήτραν 40:

(익명 저작, Homeric Hymns, Εἲσ Δημήτραν 40:)

ὣσ φάτο· γήθησεν δὲ περίφρων Περσεφόνεια, καρπαλίμωσ δ’ ἀνόρουσ’ ὑπὸ χάρματοσ· αὐτὰρ ὅ γ’ αὐτὸσ ῥοιῆσ κόκκον ἔδωκε φαγεῖν μελιηδέα λάθρῃ, ἀμφὶ ἓ νωμήσασ, ἵνα μὴ μένοι ἤματα πάντα αὖθι παρ’ αἰδοίῃ Δημήτερι κυανοπέπλῳ. ἵππουσ δὲ προπάροιθεν ὑπὸ χρυσέοισιν ὄχεσφιν ἔντυεν ἀθανάτουσ Πολυσημάντωρ Αἰδωνευσ. ἣ δ’ ὀχέων ἐπέβη, πάρα δὲ κρατὺσ Ἀργειφόντησ ἡνία καὶ μάστιγα λαβὼν μετὰ χερσὶ φίλῃσι σεῦε διὲκ μεγάρων· τὼ δ’ οὐκ ἀέκοντε πετέσθην. ῥίμφα δὲ μακρὰ κέλευθα διήνυσαν· οὐδὲ θάλασσα οὔθ’ ὕδωρ ποταμῶν οὔτ’ ἄγκεα ποιήεντα ἵππων ἀθανάτων οὔτ’ ἄκριεσ ἔσχεθον ὁρμήν, ἀλλ’ ὑπὲρ αὐτάων βαθὺν ἠέρα τέμνον ἰόντεσ. στῆσε δ’ ἄγων, ὅθι μίμνεν ἐυστέφανοσ Δημήτηρ, νηοῖο προπάροιθε θυώδεοσ· ἣ δὲ ἰδοῦσα ἠίξ’, ἠύτε μαινὰσ ὄροσ κάτα δάσκιον ὕλῃ. Περσεφόνη δ’ ἑτέρ[ωθεν ἐπεὶ ἴδεν ὄμματα καλὰ] μητρὸσ ἑῆσ κατ’ [ἄρ’ ἥ γ’ ὄχεα προλιποῦσα καὶ ἵππουσ] ἆλτο θέει[ν, δειρῇ δέ οἱ ἔμπεσε ἀμφιχυθεῖσα· ] τῇ δὲ [φίλην ἔτι παῖδα ἑῇσ μετὰ χερσὶν ἐχούσῃ] α[ἶψα δόλον θυμόσ τιν’ ὀίσατο, τρέσσε δ’ ἄρ’ αἰνῶσ] παυομ[ένη φιλότητοσ, ἄφαρ δ’ ἐρεείνετο μύθῳ· ] τέκνον, μή ῥά τι μοι σ[ύ γε πάσσαο νέρθεν ἐοῦσα] βρώμησ; ἐξαύδα, μ[ὴ κεῦθ’, ἵνα εἴδομεν ἄμφω· ] ὣσ μὲν γάρ κεν ἐοῦσα π[αρὰ στυγεροῦ Αἴδαο] καὶ παρ’ ἐμοὶ καὶ πατρὶ κελ[αινεφέϊ Κρονίωνι] ναιετάοισ πάντεσσι τετιμ[ένη ἀθανάτοι]σιν.

일치하는 문장이 없습니다.

SEARCH

MENU NAVIGATION