Anonymous, Homeric Hymns, Εἲσ Δημήτραν 29:

(익명 저작, Homeric Hymns, Εἲσ Δημήτραν 29:)

νήιδεσ ἄνθρωποι καὶ ἀφράδμονεσ οὔτ’ ἀγαθοῖο αἶσαν ἐπερχομένου προγνώμεναι οὔτε κακοῖο· καὶ σὺ γὰρ ἀφραδίῃσι τεῇσ νήκεστον ἀάσθησ. ἴστω γὰρ θεῶν ὁρ́κοσ, ἀμείλικτον Στυγὸσ ὕδωρ, ἀθάνατόν κέν τοι καὶ ἀγήραον ἤματα πάντα παῖδα φίλον ποίησα καὶ ἄφθιτον ὤπασα τιμήν· νῦν δ’ οὐκ ἔσθ’ ὥσ κεν θάνατον καὶ κῆρασ ἀλύξαι· τιμὴ δ’ ἄφθιτοσ αἰὲν ἐπέσσεται, οὕνεκα γούνων ἡμετέρων ἐπέβη καὶ ἐν ἀγκοίνῃσιν ἰαύσεν. ὡρ́ῃσιν δ’ ἄρα τῷ γε περιπλομένων ἐνιαυτῶν παῖδεσ Ἐλευσινίων πόλεμον καὶ φύλοπιν αἰνὴν αἰὲν ἐν ἀλλήλοισιν συνάξουσ’ ἤματα πάντα. εἰμὶ δὲ Δημήτηρ τιμάοχοσ, ἥτε μέγιστον ἀθανάτοισ θνητοῖσ τ’ ὄνεαρ καὶ χάρμα τέτυκται. ἀλλ’ ἄγε μοι νηόν τε μέγαν καὶ βωμὸν ὑπ’ αὐτῷ τευχόντων πᾶσ δῆμοσ ὑπαὶ πόλιν αἰπύ τε τεῖχοσ Καλλιχόρου καθύπερθεν ἐπὶ προὔχοντι κολωνῷ. ὄργια δ’ αὐτὴ ἐγὼν ὑποθήσομαι, ὡσ ἂν ἔπειτα εὐαγέωσ ἔρδοντεσ ἐμὸν νόον ἱλάσκοισθε. Ὣσ εἰποῦσα θεὰ μέγεθοσ καὶ εἶδοσ ἄμειψε γῆρασ ἀπωσαμένη· περί τ’ ἀμφί τε κάλλοσ ἀήτο· ὀδμὴ δ’ ἱμερόεσσα θυηέντων ἀπὸ πέπλων σκίδνατο, τῆλε δὲ φέγγοσ ἀπὸ χροὸσ ἀθανάτοιο λάμπε θεᾶσ, ξανθαὶ δὲ κόμαι κατενήνοθεν ὤμουσ, αὐγῆσ δ’ ἐπλήσθη πυκινὸσ δόμοσ ἀστεροπῆσ ὥσ· βῆ δὲ διὲκ μεγάρων· τῆσ δ’ αὐτίκα γούνατ’ ἔλυντο, δηρὸν δ’ ἄφθογγοσ γένετο χρόνον, οὐδέ τι παιδὸσ μνήσατο τηλυγέτοιο ἀπὸ δαπέδου ἀνελέσθαι. τοῦ δὲ κασίγνηται φωνὴν ἐσάκουσαν ἐλεινήν, κὰδ δ’ ἄρ’ ἀπ’ εὐστρώτων λεχέων θόρον· ἣ μὲν ἔπειτα παῖδ’ ἀνὰ χερσὶν ἑλοῦσα ἑῷ ἐγκάτθετο κόλπῳ· ἣ δ’ ἄρα πῦρ ἀνέκαι’· ἣ δ’ ἔσσυτο πόσσ’ ἁπαλοῖσι μητέρ’ ἀναστήσουσα θυώδεοσ ἐκ θαλάμοιο. ἀγρόμεναι δέ μιν ἀμφὶσ ἐλούεον ἀσπαίροντα ἀμφαγαπαζόμεναι· τοῦ δ’ οὐ μειλίσσετο θυμόσ· χειρότεραι γὰρ δή μιν ἔχον τροφοὶ ἠδὲ τιθῆναι.

일치하는 문장이 없습니다.

SEARCH

MENU NAVIGATION