Anonymous, Homeric Hymns, Εἲσ Δημήτραν 15:

(익명 저작, Homeric Hymns, Εἲσ Δημήτραν 15:)

ὣσ ἔφαν· ἣ δ’ ἐπέεσσιν ἀμείβετο πότνα θεάων· τέκνα φίλ’, αἵ τινέσ ἐστε γυναικῶν θηλυτεράων, χαίρετ’· ἐγὼ δ’ ὑμῖν μυθήσομαι· οὔ τοι ἀεικὲσ ὑμῖν εἰρομένῃσιν ἀληθέα μυθήσασθαι. Δωσὼ ἐμοί γ’ ὄνομ’ ἐστί· τὸ γὰρ θέτο πότνια μήτηρ. νῦν αὖτε Κρήτηθεν ἐπ’ εὐρέα νῶτα θαλάσσησ ἤλυθον οὐκ ἐθέλουσα, βίῃ δ’ ἀέκουσαν ἀνάγκῃ ἄνδρεσ ληιστῆρεσ ἀπήγαγον. οἳ μὲν ἔπειτα νηὶ θοῇ Θόρικόνδε κατέσχεθον, ἔνθα γυναῖκεσ ἠπείρου ἐπέβησαν ἀολλέεσ ἠδὲ καὶ αὐτοί, δεῖπνόν τ’ ἐπηρτύνοντο παρὰ πρυμνήσια νηόσ· ἀλλ’ ἐμοὶ οὐ δόρποιο μελίφρονοσ ἤρατο θυμόσ· λάθρη δ’ ὁρμηθεῖσα δι’ ἠπείροιο μελαίνησ φεύγου ὑπερφιάλουσ σημάντορασ, ὄφρα κε μή με ἀπριάτην περάσαντεσ ἐμῆσ ἀποναίατο τιμῆσ. οὕτω δεῦρ’ ἱκόμην ἀλαλημένη, οὐδέ τι οἶδα, ἥ τισ δὴ γαῖ’ ἐστι καὶ οἵ τινεσ ἐγγεγάασιν. ἀλλ’ ὑμῖν μὲν πάντεσ Ὀλύμπια δώματ’ ἔχοντεσ δοῖεν κουριδίουσ ἄνδρασ, καὶ τέκνα τεκέσθαι, ὡσ ἐθέλουσι τοκῆεσ· ἐμὲ δ’ αὖτ’ οἰκτείρατε, κοῦραι. [τοῦτο δέ μοι σαφέωσ ὑποθήκατε, ὄφρα πύθωμαι,] προφρονέωσ, φίλα τέκνα, τέων πρὸσ δώμαθ’ ἵκωμαι ἀνέροσ ἠδὲ γυναικόσ, ἵνα σφίσιν ἐργάζωμαι πρόφρων, οἱᾶ γυναικὸσ ἀφήλικοσ ἔργα τέτυκται· καὶ κεν παῖδα νεογνὸν ἐν ἀγκοίνῃσιν ἔχουσα καλὰ τιθηνοίμην καὶ δώματα τηρήσαιμι καί κε λέχοσ στορέσαιμι μυχῷ θαλάμων εὐπήκτων δεσπόσυνον καί κ’ ἔργα διδασκήσαιμι γυναῖκασ.

일치하는 문장이 없습니다.

SEARCH

MENU NAVIGATION