Anonymous, Homeric Hymns, Εἲσ Δημήτραν 12:

(익명 저작, Homeric Hymns, Εἲσ Δημήτραν 12:)

ὣσ εἰπὼν ἵπποισιν ἐκέκλετο· ἀγχοῦ δ’ ἱστάμεναι ἔπεα πτερόεντα προσηύδων· τοὶ δ’ ὑπ’ ὀμοκλῆσ ῥίμφα φέρον θοὸν ἁρ́μα τανύπτεροι ὥστ’ οἰωνοί. Τὴν δ’ ἄχοσ αἰνότερον καὶ κύντερον ἵκετο θυμόν· χωσαμένη δὴ ἔπειτα κελαινεφέι Κρονίωνι νοσφισθεῖσα θεῶν ἀγορὴν καὶ μακρὸν Ὄλυμπον ᾤχετ’ ἐπ’ ἀνθρώπων πόλιασ καὶ πίονα ἔργα εἶδοσ ἀμαλδύνουσα πολὺν χρόνον· οὐδέ τισ ἀνδρῶν εἰσορόων γίγνωσκε βαθυζώνων τε γυναικῶν, πρίν γ’ ὅτε δὴ Κελεοῖο δαί̈φρονοσ ἵκετο δῶμα, ὃσ τότ’ Ἐλευσῖνοσ θυοέσσησ κοίρανοσ ἠε͂ν. ἕζετο δ’ ἐγγὺσ ὁδοῖο φίλον τετιημένη ἦτορ, Παρθενίῳ φρέατι, ὅθεν ὑδρεύοντο πολῖται, ἐν σκιῇ, αὐτὰρ ὕπερθε πεφύκει θάμνοσ ἐλαίησ, γρηὶ παλαιγενέι ἐναλίγκιοσ, ἥτε τόκοιο εἴργηται δώρων τε φιλοστεφάνου Ἀφροδίτησ, οἱαῖ́ τε τροφοί εἰσι θεμιστοπόλων βασιλήων παίδων καὶ ταμίαι κατὰ δώματα ἠχήεντα. τὴν δὲ ἴδον Κελεοῖο Ἐλευσινίδαο θύγατρεσ ἐρχόμεναι μεθ’ ὕδωρ εὐήρυτον, ὄφρα φέροιεν κάλπισι χαλκείῃσι φίλα πρὸσ δώματα πατρόσ, τέσσαρεσ, ὥστε θεαί, κουρήιον ἄνθοσ ἔχουσαι, Καλλιδίκη καὶ Κλεισιδίκη Δημώ τ’ ἐρόεσσα Καλλιθόη θ’, ἣ τῶν προγενεστάτη ἠε͂ν ἁπασῶν· οὐδ’ ἔγνον· χαλεποὶ δὲ θεοὶ θνητοῖσιν ὁρᾶσθαι.

일치하는 문장이 없습니다.

SEARCH

MENU NAVIGATION