Anonymous, Homeric Hymns, Εἲσ Δημήτραν 6:

(익명 저작, Homeric Hymns, Εἲσ Δημήτραν 6:)

ὀξὺ δέ μιν κραδίην ἄχοσ ἔλλαβεν, ἀμφὶ δὲ χαίταισ ἀμβροσίαισ κρήδεμνα δαί̈ζετο χερσὶ φίλῃσι, κυάνεον δὲ κάλυμμα κατ’ ἀμφοτέρων βάλετ’ ὤμων, σεύατο δ’ ὥστ’ οἰωνόσ, ἐπὶ τραφερήν τε καὶ ὑγρὴν μαιομένη· τῇ δ’ οὔτισ ἐτήτυμα μυθήσασθαι ἤθελεν οὔτε θεῶν οὔτε θνητῶν ἀνθρώπων, οὔτ’ οἰωνῶν τισ τῇ ἐτήτυμοσ ἄγγελοσ ἦλθεν. ἐννῆμαρ μὲν ἔπειτα κατὰ χθόνα πότνια Δηὼ στρωφᾶτ’ αἰθομένασ δαί̈δασ μετὰ χερσὶν ἔχουσα, οὐδέ ποτ’ ἀμβροσίησ καὶ νέκταροσ ἡδυπότοιο πάσσατ’ ἀκηχεμένη, οὐδὲ χρόα βάλλετο λουτροῖσ. ἀλλ’ ὅτε δὴ δεκάτη οἱ ἐπήλυθε φαινολὶσ ἠώσ, ἤντετό οἱ Ἑκάτη, σέλασ ἐν χείρεσσιν ἔχουσα καί ῥά οἱ ἀγγελέουσα ἔποσ φάτο φώνησέν τε·

일치하는 문장이 없습니다.

SEARCH

MENU NAVIGATION