Aeschylus, Suppliant Women, episode, trochees

(아이스킬로스, 탄원하는 여인들, episode, trochees)

ὦ παῖδεσ, Ἀργείοισιν εὔχεσθαι χρεών, θύειν τε λείβειν θ’, ὡσ θεοῖσ, Ὀλυμπίοισ, σπονδάσ, ἐπεὶ σωτῆρεσ οὐ διχορρόπωσ. καί μου τὰ μὲν πραχθέντα πρὸσ τοὺσ ἐγγενεῖσ φίλουσ πικρῶσ ἤκουσαν αὐτανεψίοισ· ἐμοὶ δ’ ὀπαδοὺσ τούσδε καὶ δορυσσόουσ ἔταξαν, ὡσ ἔχοιμι τίμιον γέρασ, καὶ μὴ ’ξ ἀέλπτων δορικανεῖ μόρῳ θανὼν λάθοιμι, χώρᾳ δ’ ἄχθοσ ἀείζων πέλοι. τοιῶνδε τυγχάνοντασ ἐκ πρυμνῆσ φρενὸσ χάριν σέβεσθαι τιμιωτέραν χρεών. καὶ ταῦθ’ ἅμ’ ἐγγράψασθε πρὸσ γεγραμμένοισ πολλοῖσιν ἄλλοισ σωφρονίσμασιν πατρόσ, ἀγνῶθ’ ὅμιλον ἐξελέγχεσθαι χρόνῳ. πᾶσ δ’ ἐν μετοίκῳ γλῶσσαν εὔτυκον φέρει κακήν, τό τ’ εἰπεῖν εὐπετὲσ μύσαγμά πωσ. ὑμᾶσ δ’ ἐπαινῶ μὴ καταισχύνειν ἐμέ, ὡρ́αν ἐχούσασ τήνδ’ ἐπίστρεπτον βροτοῖσ. τέρειν’ ὀπώρα δ’ εὐφύλακτοσ οὐδαμῶσ· θῆρεσ δὲ κηραίνουσι καὶ βροτοί, τί μήν; καὶ κνώδαλα πτεροῦντα καὶ πεδοστιβῆ. καρπώματα στάζοντα κηρύσσει Κύπρισ καλωρα κωλύουσαν θωσμένειν ἐρῶ, καὶ παρθένων χλιδαῖσιν εὐμόρφοισ ἔπι πᾶσ τισ παρελθὼν ὄμματοσ θελκτήριον τόξευμ’ ἔπεμψεν, ἱμέρου νικώμενοσ. πρὸσ ταῦτα μὴ πάθωμεν ὧν πολὺσ πόνοσ πολὺσ δὲ πόντοσ οὕνεκ’ ἠρόθη δορί, μηδ’ αἶσχοσ ἡμῖν, ἡδονὴν δ’ ἐχθροῖσ ἐμοῖσ πράξωμεν. οἴκησισ δὲ καὶ διπλῆ πάρα τὴν μὲν Πελασγόσ, τὴν δὲ καὶ πόλισ διδοῖ, οἰκεῖν λάτρων ἄτερθεν· εὐπετῆ τάδε. μόνον φύλαξαι τάσδ’ ἐπιστολὰσ πατρόσ, τὸ σωφρονεῖν τιμῶσα τοῦ βίου πλέον. τἄλλ’ εὐτυχοῖμεν πρὸσ θεῶν Ὀλυμπίων. ἐμῆσ δ’ ὀπώρασ οὕνεκ’ εὖ θάρσει, πάτερ. εἰ γάρ τι μὴ θεοῖσ βεβούλευται νέον, ἴχνοσ τὸ πρόσθεν οὐ διαστρέψω φρενόσ.

상위

Suppliant Women (탄원하는 여인들)

목록

일치하는 문장이 없습니다.

SEARCH

MENU NAVIGATION