헬라어 문장 검색 - Αεσξηψ́Συππλιά15́02́

(아이스킬로스, 탄원하는 여인들, episode, trochees)

ὦ παῖδεσ, Ἀργείοισιν εὔχεσθαι χρεών, θύειν τε λείβειν θ’, ὡσ θεοῖσ, Ὀλυμπίοισ, σπονδάσ, ἐπεὶ σωτῆρεσ οὐ διχορρόπωσ. καί μου τὰ μὲν πραχθέντα πρὸσ τοὺσ ἐγγενεῖσ φίλουσ πικρῶσ ἤκουσαν αὐτανεψίοισ· ἐμοὶ δ’ ὀπαδοὺσ τούσδε καὶ δορυσσόουσ ἔταξαν, ὡσ ἔχοιμι τίμιον γέρασ, καὶ μὴ ’ξ ἀέλπτων δορικανεῖ μόρῳ θανὼν λάθοιμι, χώρᾳ δ’ ἄχθοσ ἀείζων πέλοι. τοιῶνδε τυγχάνοντασ ἐκ πρυμνῆσ φρενὸσ χάριν σέβεσθαι τιμιωτέραν χρεών. καὶ ταῦθ’ ἅμ’ ἐγγράψασθε πρὸσ γεγραμμένοισ πολλοῖσιν ἄλλοισ σωφρονίσμασιν πατρόσ, ἀγνῶθ’ ὅμιλον ἐξελέγχεσθαι χρόνῳ. πᾶσ δ’ ἐν μετοίκῳ γλῶσσαν εὔτυκον φέρει κακήν, τό τ’ εἰπεῖν εὐπετὲσ μύσαγμά πωσ. ὑμᾶσ δ’ ἐπαινῶ μὴ καταισχύνειν ἐμέ, ὡρ́αν ἐχούσασ τήνδ’ ἐπίστρεπτον βροτοῖσ. τέρειν’ ὀπώρα δ’ εὐφύλακτοσ οὐδαμῶσ· θῆρεσ δὲ κηραίνουσι καὶ βροτοί, τί μήν; καὶ κνώδαλα πτεροῦντα καὶ πεδοστιβῆ. καρπώματα στάζοντα κηρύσσει Κύπρισ καλωρα κωλύουσαν θωσμένειν ἐρῶ, καὶ παρθένων χλιδαῖσιν εὐμόρφοισ ἔπι πᾶσ τισ παρελθὼν ὄμματοσ θελκτήριον τόξευμ’ ἔπεμψεν, ἱμέρου νικώμενοσ. πρὸσ ταῦτα μὴ πάθωμεν ὧν πολὺσ πόνοσ πολὺσ δὲ πόντοσ οὕνεκ’ ἠρόθη δορί, μηδ’ αἶσχοσ ἡμῖν, ἡδονὴν δ’ ἐχθροῖσ ἐμοῖσ πράξωμεν. οἴκησισ δὲ καὶ διπλῆ πάρα τὴν μὲν Πελασγόσ, τὴν δὲ καὶ πόλισ διδοῖ, οἰκεῖν λάτρων ἄτερθεν· εὐπετῆ τάδε. μόνον φύλαξαι τάσδ’ ἐπιστολὰσ πατρόσ, τὸ σωφρονεῖν τιμῶσα τοῦ βίου πλέον. τἄλλ’ εὐτυχοῖμεν πρὸσ θεῶν Ὀλυμπίων. ἐμῆσ δ’ ὀπώρασ οὕνεκ’ εὖ θάρσει, πάτερ. εἰ γάρ τι μὴ θεοῖσ βεβούλευται νέον, ἴχνοσ τὸ πρόσθεν οὐ διαστρέψω φρενόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Suppliant Women, episode, trochees

(아이스킬로스, 탄원하는 여인들, episode, trochees)

상위

목록

SEARCH

MENU NAVIGATION