호흡부호 보기
강세부호 보기
장단부호 보기
작은 Iota 보기
모든 부호 보기
εὐχὰσ μὲν αἰνῶ τάσδε σώφρονασ, φίλαι. ὑμεῖσ δὲ μὴ τρέσητ’ ἀκούσασαι πατρὸσ ἀπροσδοκήτουσ τούσδε καὶ νέουσ λόγουσ. ἱκεταδόκου γὰρ τῆσδ’ ἀπὸ σκοπῆσ ὁρῶ τὸ πλοῖον. εὔσημον γὰρ οὔ με λανθάνει· στολμοί τε λαίφουσ καὶ παραρρύσεισ νεώσ, καὶ πρῷρα πρόσθεν ὄμμασιν βλέπουσ’ ὁδόν, οἰάκοσ εὐθυντῆροσ ὑστάτου νεὼσ ἄγαν καλῶσ κλύουσα, τοῖσιν οὐ φίλη. πρέπουσι δ’ ἄνδρεσ νάιοι μελαγχίμοισ γυίοισι λευκῶν ἐκ πεπλωμάτων ἰδεῖν, καὶ τἄλλα πλοῖα πᾶσά θ’ ἡ ’πικουρία εὔπρεπτοσ· αὐτὴ δ’ ἡγεμὼν ὑπὸ χθόνα στείλασα λαῖφοσ παγκρότωσ ἐρέσσεται. ἀλλ’ ἡσύχωσ χρὴ καὶ σεσωφρονισμένωσ πρὸσ πρᾶγμ’ ὁρώσασ τῶνδε μὴ ἀμελεῖν θεῶν. ἐγὼ δ’ ἀρωγοὺσ ξυνδίκουσ θ’ ἥξω λαβών. ἴσωσ γὰρ ἂν κῆρυξ τισ ἢ πρέσβη μόλοι, ἄγειν θέλοντεσ ῥυσίων ἐφάπτορεσ. ἀλλ’ οὐδὲν ἔσται τῶνδε· μὴ τρέσητέ νιν. ὅμωσ <δ’> ἄμεινον, εἰ βραδύνοιμεν βοῇ, ἀλκῆσ λαθέσθαι τῆσδε μηδαμῶσ ποτε. θάρσει· χρόνῳ τοι κυρίῳ τ’ ἐν ἡμέρᾳ θεοὺσ ἀτίζων τισ βροτῶν δώσει δίκην. πάτερ, φοβοῦμαι, νῆεσ ὡσ ὠκύπτεροι ἥκουσι· μῆκοσ δ’ οὐδὲν ἐν μέσῳ χρόνου.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기