헬라어 문장 검색 - Αεσξηψ́Συππλιά05́

(아이스킬로스, 탄원하는 여인들, episode)

καὶ δὴ πέφρασμαι. δεῦρο δ’ ἐξοκέλλεται. ἢ τοῖσιν ἢ τοῖσ πόλεμον αἴρεσθαι μέγαν πᾶσ’ ἔστ’ ἀνάγκη, καὶ γεγόμφωται σκάφοσ στρέβλαισι ναυτικαῖσιν ὡσ προσηγμένον. ἄνευ δὲ λύπησ οὐδαμοῦ καταστροφή. καὶ χρημάτων μὲν ἐκ δόμων πορθουμένων, ἄτην γε μείζω καὶ μέγ’ ἐμπλήσασ γόμου γένοιτ’ ἂν ἄλλα Κτησίου Διὸσ χάριν· καὶ γλῶσσα τοξεύσασα μὴ τὰ καίρια, γένοιτο μύθου μῦθοσ ἂν θελκτήριοσ ἀλγεινὰ θυμοῦ κάρτα κινητήρια. ὅπωσ δ’ ὅμαιμον αἷμα μὴ γενήσεται, δεῖ κάρτα θύειν καὶ πεσεῖν χρηστήρια θεοῖσι πολλοῖσ πολλά, πημονῆσ ἄκη. ἦ κάρτα νείκουσ τοῦδ’ ἔσω παροίχομαι θέλω δ’ ἀίδρισ μᾶλλον ἢ σοφὸσ κακῶν εἶναι. γένοιτο δ’ εὖ παρὰ γνώμην ἐμήν. πολλῶν ἄκουσον τέρματ’ αἰδοίων λόγων. ἤκουσα, καὶ λέγοισ ἄν. οὔ με φεύξεται. ἔχω στρόφουσ ζώνασ τε, συλλαβὰσ πέπλων τάχ’ ἂν γυναιξὶ ταῦτα συμπρεπῆ πέλοι. ἐκ τῶνδε τοίνυν, ἴσθι, μηχανὴ καλή ‐ λέξον τίν’ αὐδὴν τήνδε γηρυθεῖσ’ ἔσῃ. εἰ μή τι πιστὸν τῷδ’ ὑποστήσεισ στόλῳ ‐ τί σοι περαίνει μηχανὴ συζωμάτων; νέοισ πίναξι βρέτεα κοσμῆσαι τάδε. αἰνιγματῶδεσ τοὔποσ· ἀλλ’ ἁπλῶσ φράσον. ἐκ τῶνδ’ ὅπωσ τάχιστ’ ἀπάγξασθαι θεῶν. ἤκουσα μαστικτῆρα καρδίασ λόγον. ξυνῆκασ· ὠμμάτωσα γὰρ σαφέστερον. καὶ πολλαχῇ γε δυσπάλαιστα πράγματα, κακῶν δὲ πλῆθοσ ποταμὸσ ὣσ ἐπέρχεται· ἄτησ δ’ ἄβυσσον πέλαγοσ οὐ μάλ’ εὔπορον τόδ’ ἐσβέβηκα, κοὐδαμοῦ λιμὴν κακῶν. εἰ μὲν γὰρ ὑμῖν μὴ τόδ’ ἐκπράξω χρέοσ, μίασμ’ ἔλεξασ οὐχ ὑπερτοξεύσιμον. εἰ δ’ αὖθ’ ὁμαίμοισ παισὶν Αἰγύπτου σέθεν σταθεὶσ πρὸ τειχέων διὰ μάχησ ἥξω τέλουσ, πῶσ οὐχὶ τἀνάλωμα γίγνεται πικρόν, ἄνδρασ γυναικῶν οὕνεχ’ αἱμάξαι πέδον; ὅμωσ δ’ ἀνάγκη Ζηνὸσ αἰδεῖσθαι κότον ἱκτῆροσ· ὕψιστοσ γὰρ ἐν βροτοῖσ φόβοσ. σὺ μέν, πάτερ γεραιὲ τῶνδε παρθένων, κλάδουσ τε τούτουσ αἶψ’ ἐν ἀγκάλαισ λαβὼν βωμοὺσ ἐπ’ ἄλλουσ δαιμόνων ἐγχωρίων θέσ, ὡσ ἴδωσι τῆσδ’ ἀφίξεωσ τέκμαρ πάντεσ πολῖται, μηδ’ ἀπορριφθῇ ψόγοσ ἐμοῦ· κατ’ ἀρχῆσ γὰρ φιλαίτιοσ λεώσ. καὶ γὰρ τάχ’ ἄν τισ οἰκτίσασ ἰδὼν τάδε ὕβριν μὲν ἐχθήρειεν ἄρσενοσ στόλου, ὑμῖν δ’ ἂν εἰή δῆμοσ εὐμενέστεροσ· τοῖσ ἥσσοσιν γὰρ πᾶσ τισ εὐνοίασ φέρει. πολλῶν τάδ’ ἡμῖν ἐστιν ἠξιωμένα, αἰδοῖον εὑρεθέντα πρόξενον λαβεῖν.

ὀπάονασ δὲ φράστοράσ τ’ ἐγχωρίων ξύμπεμψον, ὡσ ἂν τῶν πολισσούχων θεῶν βωμοὺσ προνάουσ καὶ πολισσούχων ἕδρασ εὑρ́ωμεν, ἀσφάλεια δ’ ᾖ δι’ ἄστεωσ στείχουσι· μορφῆσ δ’ οὐχ ὁμόστολοσ φύσισ. Νεῖλοσ γὰρ οὐχ ὅμοιον Ἰνάχῳ γένοσ τρέφει. φύλαξαι μὴ θράσοσ τέκῃ φόβον· καὶ δὴ φίλον τισ ἔκταν’ ἀγνοίασ ὕπο. στείχοιτ’ ἄν, ἄνδρεσ· εὖ γὰρ ὁ ξένοσ λέγει. ἡγεῖσθε βωμοὺσ ἀστικούσ, θεῶν ἕδρασ· καὶ ξυμβολοῦσιν οὐ πολυστομεῖν χρεὼν ναύτην ἄγοντασ τόνδ’ ἐφέστιον θεῶν. τούτῳ μὲν εἶπασ, καὶ τεταγμένοσ κίοι· ἐγὼ δὲ πῶσ δρῶ; ποῦ θράσοσ νέμεισ ἐμοί; κλάδουσ μὲν αὐτοῦ λεῖπε, σημεῖον πόνου. καὶ δή σφε λείπω χειρὶ καὶ λόγοισ σέθεν. λευρὸν κατ’ ἄλσοσ νῦν ἐπιστρέφου τόδε. καὶ πῶσ βέβηλον ἄλσοσ ἂν ῥύοιτό με; οὔτοι πτερωτῶν ἁρπαγαῖσ <σ’> ἐκδώσομεν. ἀλλ’ εἰ δρακόντων δυσφρόνων ἐχθίοσιν; εὔφημον εἰή τοὔποσ εὐφημουμένῃ. οὔτοι τι θαῦμα δυσφορεῖν φόβῳ φρενόσ. ἀεί γ’ ἄναρκτόν ἐστι δεῖμ’ ἐξαίσιον. σὺ καὶ λέγων εὔφραινε καὶ πράσσων φρένα. ἀλλ’ οὔτι δαρὸν χρόνον ἐρημώσει πατήρ. ἐγὼ δὲ λαοὺσ συγκαλῶν ἐγχωρίουσ στείχω, τὸ κοινὸν ὡσ ἂν εὐμενὲσ τιθῶ· καὶ σὸν διδάξω πατέρα ποῖα χρὴ λέγειν. πρὸσ ταῦτα μίμνε καὶ θεοὺσ ἐγχωρίουσ λιταῖσ παραιτοῦ τῶν σ’ ἔρωσ ἔχει τυχεῖν. ἐγὼ δὲ ταῦτα πορσυνῶν ἐλεύσομαι. πειθὼ δ’ ἕποιτο καὶ τύχη πρακτήριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Suppliant Women, episode

(아이스킬로스, 탄원하는 여인들, episode)

상위

목록

SEARCH

MENU NAVIGATION