Aeschylus, Suppliant Women, episode 7:

(아이스킬로스, 탄원하는 여인들, episode 7:)

κλῃδοῦχον Ἥρασ φασὶ δωμάτων ποτὲ Ιὢ γενέσθαι τῇ δ’ ἐν Ἀργείᾳ χθονί; ἦν ὡσ μάλιστα, καὶ φάτισ πολλὴ κρατεῖ. μὴ καὶ λόγοσ τισ Ζῆνα μειχθῆναι βροτῷ; κἄκρυπτά γ’ Ἥρασ ταῦτα τἀμπαλάγματα. πῶσ οὖν τελευτᾷ βασιλέων νείκη τάδε; βοῦν τὴν γυναῖκ’ ἔθηκεν Ἀργεία θεόσ. οὔκουν πελάζει Ζεὺσ ἐπ’ εὐκραίρῳ βοί̈; φασίν, πρέποντα βουθόρῳ ταύρῳ δέμασ. τί δῆτα πρὸσ ταῦτ’ ἄλοχοσ ἰσχυρὰ Διόσ; τὸν πάνθ’ ὁρῶντα φύλακ’ ἐπέστησεν βοί̈. ποῖον πανόπτην οἰοβουκόλον λέγεισ; Ἄργον, τὸν Ἑρμῆσ παῖδα γῆσ κατέκτανεν. τί οὖν ἔτευξεν ἄλλο δυσπότμῳ βοί̈; βοηλάτην μύωπα κινητήριον. οἶστρον καλοῦσιν αὐτὸν οἱ Νείλου πέλασ. τοιγάρ νιν ἐκ γῆσ ἤλασεν μακρῷ δρόμῳ. καὶ ταῦτ’ ἔλεξασ πάντα συγκόλλωσ ἐμοί. καὶ μὴν Κάνωβον κἀπὶ Μέμφιν ἵκετο. καὶ Ζεύσ γ’ ἐφάπτωρ χειρὶ φιτύει γόνον. τίσ οὖν ὁ Δῖοσ πόρτισ εὔχεται βοόσ; Ἔπαφοσ ἀληθῶσ ῥυσίων ἐπώνυμοσ. Λιβύη, μέγιστον γῆσ <πέδον> καρπουμένη. τίν’ οὖν ἔτ’ ἄλλον τῆσδε βλαστημὸν λέγεισ; Βῆλον δίπαιδα πατέρα τοῦδ’ ἐμοῦ πατρόσ. τὸ πάνσοφον νῦν ὄνομα τοῦτό μοι φράσον. Δαναόσ, ἀδελφὸσ δ’ ἐστὶ πεντηκοντάπαισ. καὶ τοῦδ’ ἄνοιγε τοὔνομ’ ἀφθόνῳ λόγῳ.

일치하는 문장이 없습니다.

SEARCH

MENU NAVIGATION