Aeschylus, Suppliant Women, episode 3:

(아이스킬로스, 탄원하는 여인들, episode 3:)

ποδαπὸν ὅμιλον τόνδ’ ἀνελληνόστολον πέπλοισι βαρβάροισι καὶ πυκνώμασι χλίοντα προσφωνοῦμεν; οὐ γὰρ Ἀργολὶσ ἐσθὴσ γυναικῶν οὐδ’ ἀφ’ Ἑλλάδοσ τόπων. ὅπωσ δὲ χώραν οὔτε κηρύκων ὕπο, ἀπρόξενοί τε, νόσφιν ἡγητῶν, μολεῖν ἔτλητ’ ἀτρέστωσ, τοῦτο θαυμαστὸν πέλει. κλάδοι γε μὲν δὴ κατὰ νόμουσ ἀφικτόρων κεῖνται παρ’ ὑμῖν πρὸσ θεοῖσ ἀγωνίοισ· μόνον τόδ’ Ἑλλὰσ χθὼν συνοίσεται στόχῳ. καὶ τἄλλα πόλλ’ ἔτ’ εἰκάσαι δίκαιον ἦν, εἰ μὴ παρόντι φθόγγοσ ἦν ὁ σημανῶν. εἴρηκασ ἀμφὶ κόσμον ἀψευδῆ λόγον. ἐγὼ δὲ πρὸσ σὲ πότερον ὡσ ἔτην λέγω, ἢ ῥήτορ’ ἱεροράβδον, ἢ πόλεωσ ἀγόν; πρὸσ ταῦτ’ ἀμείβου καὶ λέγ’ εὐθαρσὴσ ἐμοί. τοῦ γηγενοῦσ γάρ εἰμ’ ἐγὼ Παλαίχθονοσ ἶνισ Πελασγόσ, τῆσδε γῆσ ἀρχηγέτησ. ἐμοῦ δ’ ἄνακτοσ εὐλόγωσ ἐπώνυμον γένοσ Πελασγῶν τήνδε καρποῦται χθόνα. καὶ πᾶσαν αἰᾶν, ἧσ δι’ ἁγνὸσ ἔρχεται Στρυμών, τὸ πρὸσ δύνοντοσ ἡλίου, κρατῶ. ὁρίζομαι δὲ τήν τε Περραίβων χθόνα, Πίνδου τε τἀπέκεινα, Παιόνων πέλασ, ὄρη τε Δωδωναῖα. συντέμνει δ’ ὁρ́οσ ὑγρᾶσ θαλάσσησ· τῶνδε τἀπὶ τάδε κρατῶ.

일치하는 문장이 없습니다.

SEARCH

MENU NAVIGATION