Aeschylus, Seven Against Thebes, episode 1:

ἐγὼ δὲ Καδμείων γε προστάταισ λέγω· ἢν μή τισ ἄλλοσ τόνδε συνθάπτειν θέλῃ, ἐγώ σφε θάψω κἀνὰ κίνδυνον βαλῶ θάψασ’ ἀδελφὸν τὸν ἐμόν, οὐδ’ αἰσχύνομαι ἔχουσ’ ἄπιστον τήνδ’ ἀναρχίαν πόλει. δεινὸν τὸ κοινὸν σπλάγχνον, οὗ πεφύκαμεν, μητρὸσ ταλαίνησ κἀπὸ δυστήνου πατρόσ. τοιγὰρ θέλουσ’ ἄκοντι κοινώνει κακῶν ψυχή, θανόντι ζῶσα συγγόνῳ φρενί. τούτου δὲ σάρκασ οὐδὲ κοιλογάστορεσ λύκοι σπάσονται· μὴ δοκησάτω τινί. τάφον γὰρ αὐτῷ καὶ κατασκαφὰσ ἐγώ, γυνή περ οὖσα, τῷδε μηχανήσομαι, κόλπῳ φέρουσα βυσσίνου πεπλώματοσ. καὐτὴ καλύψω, μηδέ τῳ δόξῃ πάλιν· θάρσει, παρέσται μηχανὴ δραστήριοσ.