Aeschylus, Seven Against Thebes, choral, anapests

(아이스킬로스, 테바이를 공격한 일곱 장수, choral, anapests)

τάδ’ αὐτόδηλα, προῦπτοσ ἀγγέλου λόγοσ· διπλαῖ μέριμναι, διδυμάνορα κάκ’ αὐτοφόνα, δίμοιρα τέ‐ λεια τάδε πάθη. τί φῶ; τί δ’ ἄλλο γ’ ἢ πόνοι πόνων δόμων ἐφέστιοι; ἀλλὰ γόων, ὦ φίλαι, κατ’ οὖρον ἐρέσσετ’ ἀμφὶ κρατὶ πόμπιμον χεροῖν πίτυλον, ὃσ αἰὲν δι’ Ἀχέροντ’ ἀμείβεται τὰν ἄστολον μελάγκροκον ναύστολον θεωρίδα, τὰν ἀστιβῆ Ἀπόλλωνι, τὰν ἀνάλιον πάνδοκον εἰσ ἀφανῆ τε χέρσον. ἀλλὰ γὰρ ἥκουσ’ αἵδ’ ἐπὶ πρᾶγοσ πικρὸν Ἀντιγόνη τ’ ἠδ’ Ἰσμήνη, θρῆνον ἀδελφοῖν· οὐκ ἀμφιβόλωσ οἶμαί σφ’ ἐρατῶν ἐκ βαθυκόλπων στηθέων ἥσειν ἄλγοσ ἐπάξιον. ἡμᾶσ δὲ δίκη πρότερον φήμησ τὸν δυσκέλαδόν θ’ ὕμνον Ἐρινύοσ ἰαχεῖν Αἴδα τ’ ἐχθρὸν παιᾶν’ ἐπιμέλπειν. ἰώ, δυσαδελφόταται πασῶν ὁπόσαι στρόφον ἐσθῆσιν περιβάλλονται, κλαίω, στένομαι, καὶ δόλοσ οὐδεὶσ μὴ ’κ φρενὸσ ὀρθῶσ με λιγαίνειν.

일치하는 문장이 없습니다.

SEARCH

MENU NAVIGATION