Aeschylus, Seven Against Thebes, choral, strophe 3

(아이스킬로스, 테바이를 공격한 일곱 장수, choral, strophe 3)

ἱκνεῖται λόγοσ διὰ στηθέων, τριχὸσ δ’ ὀρθίασ πλόκαμοσ ἵσταται, μεγάλα μεγαληγόρων κλυούσᾳ ἀνοσίων ἀνδρῶν. εἴθε γὰρ θεοὶ τοῦδ’ ὀλέσειαν ἐν γᾷ. ἕκτον λέγοιμ’ ἂν ἄνδρα σωφρονέστατον, ἀλκήν τ’ ἄριστον μάντιν, Ἀμφιάρεω βίαν· Ὁμολωίσιν δὲ πρὸσ πύλαισ τεταγμένοσ κακοῖσι βάζει πολλὰ Τυδέωσ βίαν· τὸν ἀνδροφόντην, τὸν πόλεωσ ταράκτορα, μέγιστον Ἄργει τῶν κακῶν διδάσκαλον, Ἐρινύοσ κλητῆρα, πρόσπολον φόνου, κακῶν τ’ Ἀδράστῳ τῶνδε βουλευτήριον. καὶ τὸν σὸν αὖθισ προσθροῶν ὁμόσπορον, ἐξυπτιάζων ὄμμα, Πολυνείκουσ βίαν, δίσ τ’ ἐν τελευτῇ τοὔνομ’ ἐνδατούμενοσ, καλεῖ. λέγει δὲ τοῦτ’ ἔποσ διὰ στόμα· "ἦ τοῖον ἔργον καὶ θεοῖσι προσφιλέσ, καλόν τ’ ἀκοῦσαι καὶ λέγειν μεθυστέροισ, πόλιν πατρῴαν καὶ θεοὺσ τοὺσ ἐγγενεῖσ πορθεῖν, στράτευμ’ ἐπακτὸν ἐμβεβληκότα; μητρόσ τε πηγὴν τίσ κατασβέσει δίκη; πατρίσ τε γαῖα σῆσ ὑπὸ σπουδῆσ δορὶ ἁλοῦσα πῶσ σοι ξύμμαχοσ γενήσεται; ἔγωγε μὲν δὴ τήνδε πιανῶ χθόνα, μάντισ κεκευθὼσ πολεμίασ ὑπὸ χθονόσ. μαχώμεθ’, οὐκ ἄτιμον ἐλπίζω μόρον. " τοιαῦθ’ ὁ μάντισ ἀσπίδ’ εὐκήλωσ ἔχων πάγχαλκον ηὔδα· σῆμα δ’ οὐκ ἐπῆν κύκλῳ. οὐ γὰρ δοκεῖν ἄριστοσ, ἀλλ’ εἶναι θέλει, βαθεῖαν ἄλοκα διὰ φρενὸσ καρπούμενοσ, ἐξ ἧσ τὰ κεδνὰ βλαστάνει βουλεύματα. τούτῳ σοφούσ τε κἀγαθοὺσ ἀντηρέτασ πέμπειν ἐπαινῶ. δεινὸσ ὃσ θεοὺσ σέβει. φεῦ τοῦ ξυναλλάσσοντοσ ὄρνιθοσ βροτοῖσ δίκαιον ἄνδρα τοῖσι δυσσεβεστέροισ. ἐν παντὶ πράγει δ’ ἔσθ’ ὁμιλίασ κακῆσ κάκιον οὐδέν, καρπὸσ οὐ κομιστέοσ· ἄτησ ἄρουρα θάνατον ἐκκαρπίζεται. ἢ γὰρ ξυνεισβὰσ πλοῖον εὐσεβὴσ ἀνὴρ ναύταισι θερμοῖσ καὶ πανουργίᾳ τινὶ ὄλωλεν ἀνδρῶν σὺν θεοπτύστῳ γένει, ἢ ξὺν πολίταισ ἀνδράσιν δίκαιοσ ὢν ἐχθροξένοισ τε καὶ θεῶν ἀμνήμοσιν, ταὐτοῦ κυρήσασ ἐκδίκωσ ἀγρεύματοσ, πληγεὶσ θεοῦ μάστιγι παγκοίνῳ ’δάμη. οὕτωσ δ’ ὁ μάντισ, υἱὸν Οἰκλέουσ λέγω, σώφρων δίκαιοσ ἀγαθὸσ εὐσεβὴσ ἀνήρ, μέγασ προφήτησ, ἀνοσίοισι συμμιγεὶσ θρασυστόμοισιν ἀνδράσιν βίᾳ φρενῶν, τείνουσι πομπὴν τὴν μακρὰν πάλιν μολεῖν, Διὸσ θέλοντοσ ξυγκαθελκυσθήσεται.

δοκῶ μὲν οὖν σφε μηδὲ προσβαλεῖν πύλαισ οὐχ ὡσ ἄθυμοσ οὐδὲ λήματοσ κάκῇ, ἀλλ’ οἶδεν ὥσ σφε χρὴ τελευτῆσαι μάχῃ, εἰ καρπὸσ ἔσται θεσφάτοισι Λοξίου·

φιλεῖ δὲ σιγᾶν ἢ λέγειν τὰ καίρια. ὅμωσ δ’ ἐπ’ αὐτῷ φῶτα, Λασθένουσ βίαν, ἐχθρόξενον πυλωρὸν ἀντιτάξομεν, γέροντα τὸν νοῦν, σάρκα δ’ ἡβῶσαν φύει, ποδῶκεσ ὄμμα, χεῖρα δ’ οὐ βραδύνεται παρ’ ἀσπίδοσ γυμνωθὲν ἁρπάσαι δόρυ. θεοῦ δὲ δῶρόν ἐστιν εὐτυχεῖν βροτούσ.

상위

Seven Against Thebes (테바이를 공격한 일곱 장수)

목록

일치하는 문장이 없습니다.

SEARCH

MENU NAVIGATION