헬라어 문장 검색 - Αεσξηψ́ΣεϝενΑγ́08́05́1́

(아이스킬로스, 테바이를 공격한 일곱 장수, choral, strophe 3 1:)

ἕκτον λέγοιμ’ ἂν ἄνδρα σωφρονέστατον, ἀλκήν τ’ ἄριστον μάντιν, Ἀμφιάρεω βίαν· Ὁμολωίσιν δὲ πρὸσ πύλαισ τεταγμένοσ κακοῖσι βάζει πολλὰ Τυδέωσ βίαν· τὸν ἀνδροφόντην, τὸν πόλεωσ ταράκτορα, μέγιστον Ἄργει τῶν κακῶν διδάσκαλον, Ἐρινύοσ κλητῆρα, πρόσπολον φόνου, κακῶν τ’ Ἀδράστῳ τῶνδε βουλευτήριον. καὶ τὸν σὸν αὖθισ προσθροῶν ὁμόσπορον, ἐξυπτιάζων ὄμμα, Πολυνείκουσ βίαν, δίσ τ’ ἐν τελευτῇ τοὔνομ’ ἐνδατούμενοσ, καλεῖ. λέγει δὲ τοῦτ’ ἔποσ διὰ στόμα· "ἦ τοῖον ἔργον καὶ θεοῖσι προσφιλέσ, καλόν τ’ ἀκοῦσαι καὶ λέγειν μεθυστέροισ, πόλιν πατρῴαν καὶ θεοὺσ τοὺσ ἐγγενεῖσ πορθεῖν, στράτευμ’ ἐπακτὸν ἐμβεβληκότα; μητρόσ τε πηγὴν τίσ κατασβέσει δίκη; πατρίσ τε γαῖα σῆσ ὑπὸ σπουδῆσ δορὶ ἁλοῦσα πῶσ σοι ξύμμαχοσ γενήσεται; ἔγωγε μὲν δὴ τήνδε πιανῶ χθόνα, μάντισ κεκευθὼσ πολεμίασ ὑπὸ χθονόσ. μαχώμεθ’, οὐκ ἄτιμον ἐλπίζω μόρον. " τοιαῦθ’ ὁ μάντισ ἀσπίδ’ εὐκήλωσ ἔχων πάγχαλκον ηὔδα· σῆμα δ’ οὐκ ἐπῆν κύκλῳ. οὐ γὰρ δοκεῖν ἄριστοσ, ἀλλ’ εἶναι θέλει, βαθεῖαν ἄλοκα διὰ φρενὸσ καρπούμενοσ, ἐξ ἧσ τὰ κεδνὰ βλαστάνει βουλεύματα. τούτῳ σοφούσ τε κἀγαθοὺσ ἀντηρέτασ πέμπειν ἐπαινῶ. δεινὸσ ὃσ θεοὺσ σέβει. φεῦ τοῦ ξυναλλάσσοντοσ ὄρνιθοσ βροτοῖσ δίκαιον ἄνδρα τοῖσι δυσσεβεστέροισ. ἐν παντὶ πράγει δ’ ἔσθ’ ὁμιλίασ κακῆσ κάκιον οὐδέν, καρπὸσ οὐ κομιστέοσ· ἄτησ ἄρουρα θάνατον ἐκκαρπίζεται. ἢ γὰρ ξυνεισβὰσ πλοῖον εὐσεβὴσ ἀνὴρ ναύταισι θερμοῖσ καὶ πανουργίᾳ τινὶ ὄλωλεν ἀνδρῶν σὺν θεοπτύστῳ γένει, ἢ ξὺν πολίταισ ἀνδράσιν δίκαιοσ ὢν ἐχθροξένοισ τε καὶ θεῶν ἀμνήμοσιν, ταὐτοῦ κυρήσασ ἐκδίκωσ ἀγρεύματοσ, πληγεὶσ θεοῦ μάστιγι παγκοίνῳ ’δάμη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Seven Against Thebes, choral, strophe 3 1:

(아이스킬로스, 테바이를 공격한 일곱 장수, choral, strophe 3 1:)

상위

목록

SEARCH

MENU NAVIGATION