헬라어 문장 검색 - Αεσξηψ́ΣεϝενΑγ́08́05́

(아이스킬로스, 테바이를 공격한 일곱 장수, choral, strophe 3)

ἱκνεῖται λόγοσ διὰ στηθέων, τριχὸσ δ’ ὀρθίασ πλόκαμοσ ἵσταται, μεγάλα μεγαληγόρων κλυούσᾳ ἀνοσίων ἀνδρῶν. εἴθε γὰρ θεοὶ τοῦδ’ ὀλέσειαν ἐν γᾷ. ἕκτον λέγοιμ’ ἂν ἄνδρα σωφρονέστατον, ἀλκήν τ’ ἄριστον μάντιν, Ἀμφιάρεω βίαν· Ὁμολωίσιν δὲ πρὸσ πύλαισ τεταγμένοσ κακοῖσι βάζει πολλὰ Τυδέωσ βίαν· τὸν ἀνδροφόντην, τὸν πόλεωσ ταράκτορα, μέγιστον Ἄργει τῶν κακῶν διδάσκαλον, Ἐρινύοσ κλητῆρα, πρόσπολον φόνου, κακῶν τ’ Ἀδράστῳ τῶνδε βουλευτήριον. καὶ τὸν σὸν αὖθισ προσθροῶν ὁμόσπορον, ἐξυπτιάζων ὄμμα, Πολυνείκουσ βίαν, δίσ τ’ ἐν τελευτῇ τοὔνομ’ ἐνδατούμενοσ, καλεῖ. λέγει δὲ τοῦτ’ ἔποσ διὰ στόμα· "ἦ τοῖον ἔργον καὶ θεοῖσι προσφιλέσ, καλόν τ’ ἀκοῦσαι καὶ λέγειν μεθυστέροισ, πόλιν πατρῴαν καὶ θεοὺσ τοὺσ ἐγγενεῖσ πορθεῖν, στράτευμ’ ἐπακτὸν ἐμβεβληκότα; μητρόσ τε πηγὴν τίσ κατασβέσει δίκη; πατρίσ τε γαῖα σῆσ ὑπὸ σπουδῆσ δορὶ ἁλοῦσα πῶσ σοι ξύμμαχοσ γενήσεται; ἔγωγε μὲν δὴ τήνδε πιανῶ χθόνα, μάντισ κεκευθὼσ πολεμίασ ὑπὸ χθονόσ. μαχώμεθ’, οὐκ ἄτιμον ἐλπίζω μόρον. " τοιαῦθ’ ὁ μάντισ ἀσπίδ’ εὐκήλωσ ἔχων πάγχαλκον ηὔδα· σῆμα δ’ οὐκ ἐπῆν κύκλῳ. οὐ γὰρ δοκεῖν ἄριστοσ, ἀλλ’ εἶναι θέλει, βαθεῖαν ἄλοκα διὰ φρενὸσ καρπούμενοσ, ἐξ ἧσ τὰ κεδνὰ βλαστάνει βουλεύματα. τούτῳ σοφούσ τε κἀγαθοὺσ ἀντηρέτασ πέμπειν ἐπαινῶ. δεινὸσ ὃσ θεοὺσ σέβει. φεῦ τοῦ ξυναλλάσσοντοσ ὄρνιθοσ βροτοῖσ δίκαιον ἄνδρα τοῖσι δυσσεβεστέροισ. ἐν παντὶ πράγει δ’ ἔσθ’ ὁμιλίασ κακῆσ κάκιον οὐδέν, καρπὸσ οὐ κομιστέοσ· ἄτησ ἄρουρα θάνατον ἐκκαρπίζεται. ἢ γὰρ ξυνεισβὰσ πλοῖον εὐσεβὴσ ἀνὴρ ναύταισι θερμοῖσ καὶ πανουργίᾳ τινὶ ὄλωλεν ἀνδρῶν σὺν θεοπτύστῳ γένει, ἢ ξὺν πολίταισ ἀνδράσιν δίκαιοσ ὢν ἐχθροξένοισ τε καὶ θεῶν ἀμνήμοσιν, ταὐτοῦ κυρήσασ ἐκδίκωσ ἀγρεύματοσ, πληγεὶσ θεοῦ μάστιγι παγκοίνῳ ’δάμη. οὕτωσ δ’ ὁ μάντισ, υἱὸν Οἰκλέουσ λέγω, σώφρων δίκαιοσ ἀγαθὸσ εὐσεβὴσ ἀνήρ, μέγασ προφήτησ, ἀνοσίοισι συμμιγεὶσ θρασυστόμοισιν ἀνδράσιν βίᾳ φρενῶν, τείνουσι πομπὴν τὴν μακρὰν πάλιν μολεῖν, Διὸσ θέλοντοσ ξυγκαθελκυσθήσεται.

δοκῶ μὲν οὖν σφε μηδὲ προσβαλεῖν πύλαισ οὐχ ὡσ ἄθυμοσ οὐδὲ λήματοσ κάκῇ, ἀλλ’ οἶδεν ὥσ σφε χρὴ τελευτῆσαι μάχῃ, εἰ καρπὸσ ἔσται θεσφάτοισι Λοξίου·

φιλεῖ δὲ σιγᾶν ἢ λέγειν τὰ καίρια. ὅμωσ δ’ ἐπ’ αὐτῷ φῶτα, Λασθένουσ βίαν, ἐχθρόξενον πυλωρὸν ἀντιτάξομεν, γέροντα τὸν νοῦν, σάρκα δ’ ἡβῶσαν φύει, ποδῶκεσ ὄμμα, χεῖρα δ’ οὐ βραδύνεται παρ’ ἀσπίδοσ γυμνωθὲν ἁρπάσαι δόρυ. θεοῦ δὲ δῶρόν ἐστιν εὐτυχεῖν βροτούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Seven Against Thebes, choral, strophe 3

(아이스킬로스, 테바이를 공격한 일곱 장수, choral, strophe 3)

상위

목록

SEARCH

MENU NAVIGATION