Aeschylus, Seven Against Thebes, choral, strophe 2 1:

(아이스킬로스, 테바이를 공격한 일곱 장수, choral, strophe 2 1:)

τέταρτοσ ἄλλοσ, γείτονασ πύλασ ἔχων Ὄγκασ Ἀθάνασ, ξὺν βοῇ παρίσταται, Ἱππομέδοντοσ σχῆμα καὶ μέγασ τύποσ· ἅλω δὲ πολλήν, ἀσπίδοσ κύκλον λέγω, ἔφριξα δινήσαντοσ· οὐκ ἄλλωσ ἐρῶ. ὁ σηματουργὸσ δ’ οὔ τισ εὐτελὴσ ἄρ’ ἦν ὅστισ τόδ’ ἔργον ὤπασεν πρὸσ ἀσπίδι, Τυφῶν’ ἱέντα πύρπνοον διὰ στόμα λιγνὺν μέλαιναν, αἰόλην πυρὸσ κάσιν· ὄφεων δὲ πλεκτάναισι περίδρομον κύτοσ προσηδάφισται κοιλογάστοροσ κύκλου. αὐτὸσ δ’ ἐπηλάλαξεν, ἔνθεοσ δ’ Ἄρει βακχᾷ πρὸσ ἀλκὴν Θυιὰσ ὣσ φόβον βλέπων. τοιοῦδε φωτὸσ πεῖραν εὖ φυλακτέον· Φόβοσ γὰρ ἤδη πρὸσ πύλαισ κομπάζεται. πρῶτον μὲν Ὄγκα Παλλάσ, ἥτ’ ἀγχίπτολισ, πύλαισι γείτων, ἀνδρὸσ ἐχθαίρουσ’ ὕβριν, εἴρξει νεοσσῶν ὣσ δράκοντα δύσχιμον· Ὑπέρβιοσ δέ, κεδνὸσ Οἴνοποσ τόκοσ, ἀνὴρ κατ’ ἄνδρα τοῦτον ᾑρέθη, θέλων ἐξιστορῆσαι μοῖραν ἐν χρείᾳ τύχησ, οὔτ’ εἶδοσ οὔτε θυμὸν οὐδ’ ὅπλων σχέσιν μωμητόσ, Ἑρμῆσ δ’ εὐλόγωσ ξυνήγαγεν. ἐχθρὸσ γὰρ ἁνὴρ ἀνδρὶ τῷ ξυστήσεται, ξυνοίσετον δὲ πολεμίουσ ἐπ’ ἀσπίδων θεούσ· ὁ μὲν γὰρ πύρπνοον Τυφῶν’ ἔχει, Ὑπερβίῳ δὲ Ζεὺσ πατὴρ ἐπ’ ἀσπίδοσ σταδαῖοσ ἧσται, διὰ χερὸσ βέλοσ φλέγων· κοὔπω τισ εἶδε Ζῆνά που νικώμενον. τοιάδε μέντοι προσφίλεια δαιμόνων· πρὸσ τῶν κρατούντων δ’ ἐσμέν, οἱ δ’ ἡσσωμένων, εἰ Ζεύσ γε Τυφῶ καρτερώτεροσ μάχῃ· εἰκὸσ δὲ πράξειν ἄνδρασ ὧδ’ ἀντιστάτασ, Ὑπερβίῳ τε πρὸσ λόγον τοῦ σήματοσ σωτὴρ γένοιτ’ ἂν Ζεὺσ ἐπ’ ἀσπίδοσ τυχών.

상위

Seven Against Thebes (테바이를 공격한 일곱 장수)

목록

일치하는 문장이 없습니다.

SEARCH

MENU NAVIGATION