Aeschylus, Seven Against Thebes, choral, strophe 1 1:

(아이스킬로스, 테바이를 공격한 일곱 장수, choral, strophe 1 1:)

τούτῳ μὲν οὕτωσ εὐτυχεῖν δοῖεν θεοί· Καπανεὺσ δ’ ἐπ’ Ἠλέκτραισιν εἴληχεν πύλαισ, γίγασ ὅδ’ ἄλλοσ τοῦ πάροσ λελεγμένου μείζων, ὁ κόμποσ δ’ οὐ κατ’ ἄνθρωπον φρονεῖ, πύργοισ δ’ ἀπειλεῖ δείν’, ἃ μὴ κραίνοι τύχη· θεοῦ τε γὰρ θέλοντοσ ἐκπέρσειν πόλιν καὶ μὴ θέλοντόσ φησιν, οὐδὲ τὴν Διὸσ ἔριν πέδοι σκήψασαν ἐμποδὼν σχεθεῖν. τὰσ δ’ ἀστραπάσ τε καὶ κεραυνίουσ βολὰσ μεσημβρινοῖσι θάλπεσιν προσῄκασεν· ἔχει δὲ σῆμα γυμνὸν ἄνδρα πυρφόρον, φλέγει δὲ λαμπὰσ διὰ χερῶν ὡπλισμένη· χρυσοῖσ δὲ φωνεῖ γράμμασιν "πρήσω πόλιν. " τοιῷδε φωτὶ πέμπε ‐ τίσ ξυστήσεται, τίσ ἄνδρα κομπάζοντα μὴ τρέσασ μενεῖ; καὶ τῷδε κέρδει κέρδοσ ἄλλο τίκτεται. τῶν τοι ματαίων ἀνδράσιν φρονημάτων ἡ γλῶσσ’ ἀληθὴσ γίγνεται κατήγοροσ· Καπανεὺσ δ’ ἀπειλεῖ, δρᾶν παρεσκευασμένοσ, θεοὺσ ἀτίζων, κἀπογυμνάζων στόμα χαρᾷ ματαίᾳ θνητὸσ ὢν εἰσ οὐρανὸν πέμπει γεγωνὰ Ζηνὶ κυμαίνοντ’ ἔπη· πέποιθα δ’ αὐτῷ ξὺν δίκῃ τὸν πυρφόρον ἥξειν κεραυνόν, οὐδὲν ἐξῃκασμένον μεσημβρινοῖσι θάλπεσιν τοῖσ ἡλίου. ἀνὴρ δ’ ἐπ’ αὐτῷ, κεἰ στόμαργόσ ἐστ’ ἄγαν, αἴθων τέτακται λῆμα, Πολυφόντου βία, φερέγγυον φρούρημα, προστατηρίασ Ἀρτέμιδοσ εὐνοίαισι σύν τ’ ἄλλοισ θεοῖσ. λέγ’ ἄλλον ἄλλαισ ἐν πύλαισ εἰληχότα.

상위

Seven Against Thebes (테바이를 공격한 일곱 장수)

목록

일치하는 문장이 없습니다.

SEARCH

MENU NAVIGATION