Aeschylus, Seven Against Thebes, choral, antistrophe 1

ποῖον δ’ ἀμείψεσθε γαίασ πέδον τᾶσδ’ ἄρειον, ἐχθροῖσ ἀφέντεσ τὰν βαθύχθον’ αἰᾶν, ὕδωρ τε Διρκαῖον, εὐ‐ τραφέστατον πωμάτων ὅσων ἱήσιν Ποσει‐ δᾶν ὁ γαιάοχοσ Τηθύοσ τε παῖδεσ. πρὸσ τάδ’, ὦ πολιοῦχοι θεοί, τοῖσι μὲν ἔξω πύργων ἀνδρολέτειραν κῆρα, ῥίψοπλον ἄταν, ἐμβαλόντεσ ἄροισθε κῦδοσ τοῖσδε πολίταισ. καὶ πόλεωσ ῥύτορεσ <ἔστ’> εὐέδροί τε στάθητ’ ὀξυγόοισ λιταῖσιν.