헬라어 문장 검색 - Αεσξηψ́ΣεϝενΑγ́01́00́2́

(아이스킬로스, 테바이를 공격한 일곱 장수, episode 2:)

ὑμᾶσ δὲ χρὴ νῦν, καὶ τὸν ἐλλείποντ’ ἔτι ἥβησ ἀκμαίασ καὶ τὸν ἔξηβον χρόνῳ, βλαστημὸν ἀλδαίνοντα σώματοσ πολύν, ὡρ́αν τ’ ἔχονθ’ ἕκαστον ὥστε συμπρεπέσ, πόλει τ’ ἀρήγειν καὶ θεῶν ἐγχωρίων βωμοῖσι, τιμὰσ μὴ ’ξαλειφθῆναί ποτε· τέκνοισ τε, Γῇ τε μητρί, φιλτάτῃ τροφῷ· ἡ γὰρ νέουσ ἑρ́ποντασ εὐμενεῖ πέδῳ, ἅπαντα πανδοκοῦσα παιδείασ ὄτλον, ἐθρέψατ’ οἰκητῆρασ ἀσπιδηφόρουσ πιστοὺσ ὅπωσ γένοισθε πρὸσ χρέοσ τόδε. καὶ νῦν μὲν ἐσ τόδ’ ἦμαρ εὖ ῥέπει θεόσ· χρόνον γὰρ ἤδη τόνδε πυργηρουμένοισ καλῶσ τὰ πλείω πόλεμοσ ἐκ θεῶν κυρεῖ. νῦν δ’ ὡσ ὁ μάντισ φησίν, οἰωνῶν βοτήρ, ἐν ὠσὶ νωμῶν καὶ φρεσίν, πυρὸσ δίχα, χρηστηρίουσ ὄρνιθασ ἀψευδεῖ τέχνῃ· οὗτοσ τοιῶνδε δεσπότησ μαντευμάτων λέγει μεγίστην προσβολὴν Ἀχαιίδα νυκτηγορεῖσθαι κἀπιβουλεύσειν πόλει. ἀλλ’ ἔσ τ’ ἐπάλξεισ καὶ πύλασ πυργωμάτων ὁρμᾶσθε πάντεσ, σοῦσθε σὺν παντευχίᾳ, πληροῦτε θωρακεῖα, κἀπὶ σέλμασιν πύργων στάθητε, καὶ πυλῶν ἐπ’ ἐξόδοισ μίμνοντεσ εὖ θαρσεῖτε, μηδ’ ἐπηλύδων ταρβεῖτ’ ἄγαν ὅμιλον· εὖ τελεῖ θεόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Seven Against Thebes, episode 2:

(아이스킬로스, 테바이를 공격한 일곱 장수, episode 2:)

상위

목록

SEARCH

MENU NAVIGATION