Aeschylus, Prometheus Bound, episode 3:

(아이스킬로스, 결박된 프로메테우스, episode 3:)

λέγων ἐοίκα πολλὰ καὶ μάτην ἐρεῖν· τέγγῃ γὰρ οὐδὲν οὐδὲ μαλθάσσῃ λιταῖσ ἐμαῖσ· δακὼν δὲ στόμιον ὡσ νεοζυγὴσ πῶλοσ βιάζῃ καὶ πρὸσ ἡνίασ μάχῃ. ἀτὰρ σφοδρύνῃ γ’ ἀσθενεῖ σοφίσματι· αὐθαδία γὰρ τῷ φρονοῦντι μὴ καλῶσ αὐτὴ καθ’ αὑτὴν οὐδενὸσ μεῖζον σθένει. σκέψαι δ’, ἐὰν μὴ τοῖσ ἐμοῖσ πεισθῇσ λόγοισ, οἱο͂́σ σε χειμὼν καὶ κακῶν τρικυμία ἔπεισ’ ἄφυκτοσ · πρῶτα μὲν γὰρ ὀκρίδα φάραγγα βροντῇ καὶ κεραυνίᾳ φλογὶ πατὴρ σπαράξει τήνδε, καὶ κρύψει δέμασ τὸ σόν, πετραία δ’ ἀγκάλη σε βαστάσει. μακρὸν δὲ μῆκοσ ἐκτελευτήσασ χρόνου ἄψορρον ἥξεισ εἰσ φάοσ· Διὸσ δέ τοί πτηνὸσ κύων, δαφοινὸσ αἰετόσ, λάβρωσ διαρταμήσει σώματοσ μέγα ῥάκοσ, ἄκλητοσ ἑρ́πων δαιταλεὺσ πανήμεροσ, κελαινόβρωτον δ’ ἧπαρ ἐκθοινήσεται.

상위

Prometheus Bound (결박된 프로메테우스)

목록

일치하는 문장이 없습니다.

SEARCH

MENU NAVIGATION