헬라어 문장 검색 - Αεσξηψ́Προμετή11́0́00́

(아이스킬로스, 결박된 프로메테우스, episode)

ἦ μὴν ἔτι Ζεύσ, καίπερ αὐθάδησ φρενῶν, ἔσται ταπεινόσ, οἱο͂ν ἐξαρτύεται γάμον γαμεῖν, ὃσ αὐτὸν ἐκ τυραννίδοσ θρόνων τ’ ἀίστον ἐκβαλεῖ· πατρὸσ δ’ ἀρὰ Κρόνου τότ’ ἤδη παντελῶσ κρανθήσεται, ἣν ἐκπίτνων ἠρᾶτο δηναιῶν θρόνων. τοιῶνδε μόχθων ἐκτροπὴν οὐδεὶσ θεῶν δύναιτ’ ἂν αὐτῷ πλὴν ἐμοῦ δεῖξαι σαφῶσ. ἐγὼ τάδ’ οἶδα χᾦ τρόπῳ. πρὸσ ταῦτά νυν θαρσῶν καθήσθω τοῖσ πεδαρσίοισ κτύποισ πιστόσ, τινάσσων τ’ ἐν χεροῖν πύρπνουν βέλοσ. οὐδὲν γὰρ αὐτῷ ταῦτ’ ἐπαρκέσει τὸ μὴ οὐ πεσεῖν ἀτίμωσ πτώματ’ οὐκ ἀνασχετά· τοῖον παλαιστὴν νῦν παρασκευάζεται ἐπ’ αὐτὸσ αὑτῷ, δυσμαχώτατον τέρασ· ὃσ δὴ κεραυνοῦ κρείσσον’ εὑρήσει φλόγα, βροντῆσ θ’ ὑπερβάλλοντα καρτερὸν κτύπον· θαλασσίαν τε γῆσ τινάκτειραν νόσον τρίαιναν, αἰχμὴν τὴν Ποσειδῶνοσ, σκεδᾷ. πταίσασ δὲ τῷδε πρὸσ κακῷ μαθήσεται ὅσον τό τ’ ἄρχειν καὶ τὸ δουλεύειν δίχα. σύ θην ἃ χρῄζεισ, ταῦτ’ ἐπιγλωσσᾷ Διόσ. ἅπερ τελεῖται, πρὸσ δ’ ἃ βούλομαι λέγω. καὶ προσδοκᾶν χρὴ δεσπόσειν Ζηνόσ τινα; καὶ τῶνδέ γ’, ἕξει δυσλοφωτέρουσ πόνουσ. πῶσ δ’ οὐχὶ ταρβεῖσ τοιάδ’ ἐκρίπτων ἔπη; τί δ’ ἂν φοβοίμην ᾧ θανεῖν οὐ μόρσιμον; ἀλλ’ ἆθλον ἄν σοι τοῦδ’ ἔτ’ ἀλγίω πόροι. ὁ δ’ οὖν ποιείτω· πάντα προσδοκητά μοι. οἱ προσκυνοῦντεσ τὴν Ἀδράστειαν σοφοί. σέβου, προσεύχου, θῶπτε τὸν κρατοῦντ’ ἀεί. ἐμοὶ δ’ ἔλασσον Ζηνὸσ ἢ μηδὲν μέλει. δράτω, κρατείτω τόνδε τὸν βραχὺν χρόνον, ὅπωσ θέλει· δαρὸν γὰρ οὐκ ἄρξει θεοῖσ. ἀλλ’ εἰσορῶ γὰρ τόνδε τὸν Διὸσ τρόχιν, τὸν τοῦ τυράννου τοῦ νέου διάκονον· πάντωσ τι καινὸν ἀγγελῶν ἐλήλυθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aeschylus, Prometheus Bound, episode

(아이스킬로스, 결박된 프로메테우스, episode)

상위

목록

SEARCH

MENU NAVIGATION