헬라어 문장 검색 - Αεσξηψ́Προμετή05́

(아이스킬로스, 결박된 프로메테우스, episode)

μή τοι χλιδῇ δοκεῖτε μηδ’ αὐθαδίᾳ σιγᾶν με· συννοίᾳ δὲ δάπτομαι κέαρ, ὁρῶν ἐμαυτὸν ὧδε προυσελούμενον. καίτοι θεοῖσι τοῖσ νέοισ τούτοισ γέρα τίσ ἄλλοσ ἢ ’γὼ παντελῶσ διώρισεν; ἀλλ’ αὐτὰ σιγῶ· καὶ γὰρ εἰδυίαισιν ἂν ὑμῖν λέγοιμι· τἀν βροτοῖσ δὲ πήματα ἀκούσαθ’, ὥσ σφασ νηπίουσ ὄντασ τὸ πρὶν ἔννουσ ἔθηκα καὶ φρενῶν ἐπηβόλουσ. λέξω δέ, μέμψιν οὔτιν’ ἀνθρώποισ ἔχων, ἀλλ’ ὧν δέδωκ’ εὔνοιαν ἐξηγούμενοσ· οἳ πρῶτα μὲν βλέποντεσ ἔβλεπον μάτην, κλύοντεσ οὐκ ἤκουον, ἀλλ’ ὀνειράτων ἀλίγκιοι μορφαῖσι τὸν μακρὸν βίον ἔφυρον εἰκῇ πάντα, κοὔτε πλινθυφεῖσ δόμουσ προσείλουσ, ᾖσαν, οὐ ξυλουργίαν·

κατώρυχεσ δ’ ἔναιον ὥστ’ ἀήσυροι μύρμηκεσ ἄντρων ἐν μυχοῖσ ἀνηλίοισ. ἦν δ’ οὐδὲν αὐτοῖσ οὔτε χείματοσ τέκμαρ οὔτ’ ἀνθεμώδουσ ἦροσ οὔτε καρπίμου θέρουσ βέβαιον, ἀλλ’ ἄτερ γνώμησ τὸ πᾶν ἔπρασσον, ἔστε δή σφιν ἀντολὰσ ἐγὼ ἄστρων ἔδειξα τάσ τε δυσκρίτουσ δύσεισ. καὶ μὴν ἀριθμόν, ἔξοχον σοφισμάτων, ἐξηῦρον αὐτοῖσ, γραμμάτων τε συνθέσεισ, μνήμην ἁπάντων, μουσομήτορ’ ἐργάνην.

κἄζευξα πρῶτοσ ἐν ζυγοῖσι κνώδαλα ζεύγλαισι δουλεύοντα σάγμασὶν θ’, ὅπωσ θνητοῖσ μεγίστων διάδοχοι μοχθημάτων γένοινθ’ , ὑφ’ ἁρ́μα τ’ ἤγαγον φιληνίουσ ἵππουσ, ἄγαλμα τῆσ ὑπερπλούτου χλιδῆσ. θαλασσόπλαγκτα δ’ οὔτισ ἄλλοσ ἀντ’ ἐμοῦ λινόπτερ’ ηὑρ͂ε ναυτίλων ὀχήματα. τοιαῦτα μηχανήματ’ ἐξευρὼν τάλασ βροτοῖσιν, αὐτὸσ οὐκ ἔχω σόφισμ’ ὅτῳ τῆσ νῦν παρούσησ πημονῆσ ἀπαλλαγῶ.

πέπονθασ αἰκὲσ πῆμ’·

ἀποσφαλεὶσ φρενῶν πλανᾷ, κακὸσ δ’ ἰατρὸσ ὥσ τισ ἐσ νόσον πεσὼν ἀθυμεῖσ καὶ σεαυτὸν οὐκ ἔχεισ εὑρεῖν ὁποίοισ φαρμάκοισ ἰάσιμοσ. τὰ λοιπά μου κλύουσα θαυμάσῃ πλέον, οἱάσ τέχνασ τε καὶ πόρουσ ἐμησάμην. τὸ μὲν μέγιστον, εἴ τισ ἐσ νόσον πέσοι, οὐκ ἦν ἀλέξημ’ οὐδέν, οὔτε βρώσιμον, οὐ χριστόν, οὐδὲ πιστόν, ἀλλὰ φαρμάκων χρείᾳ κατεσκέλλοντο, πρίν γ’ ἐγώ σφισιν ἔδειξα κράσεισ ἠπίων ἀκεσμάτων, αἷσ τὰσ ἁπάσασ ἐξαμύνονται νόσουσ. τρόπουσ τε πολλοὺσ μαντικῆσ ἐστοίχισα, κἄκρινα πρῶτοσ ἐξ ὀνειράτων ἃ χρὴ ὕπαρ γενέσθαι, κληδόνασ τε δυσκρίτουσ ἐγνώρισ’ αὐτοῖσ ἐνοδίουσ τε συμβόλουσ· γαμψωνύχων τε πτῆσιν οἰωνῶν σκεθρῶσ διώρισ’, οἵτινέσ τε δεξιοὶ φύσιν εὐωνύμουσ τε, καὶ δίαιταν ἥντινα ἔχουσ’ ἕκαστοι, καὶ πρὸσ ἀλλήλουσ τίνεσ ἔχθραι τε καὶ στέργηθρα καὶ συνεδρίαι· σπλάγχνων τε λειότητα, καὶ χροιὰν τίνα ἔχουσ’ ἂν εἰή δαίμοσιν πρὸσ ἡδονὴν χολή, λοβοῦ τε ποικίλην εὐμορφίαν. κνίσῃ τε κῶλα συγκαλυπτὰ καὶ μακρὰν ὀσφῦν πυρώσασ δυστέκμαρτον ἐσ τέχνην ὥδωσα θνητούσ, καὶ φλογωπὰ σήματα ἐξωμμάτωσα, πρόσθεν ὄντ’ ἐπάργεμα. τοιαῦτα μὲν δὴ ταῦτ’· ἔνερθε δὲ χθονὸσ κεκρυμμέν’, ἀνθρώποισιν ὠφελήματα, χαλκόν, σίδηρον, ἄργυρον, χρυσόν τε τίσ φήσειεν ἂν πάροιθεν ἐξευρεῖν ἐμοῦ; οὐδείσ, σάφ’ οἶδα, μὴ μάτην φλύσαι θέλων. βραχεῖ δὲ μύθῳ πάντα συλλήβδην μάθε, πᾶσαι τέχναι βροτοῖσιν ἐκ Προμηθέωσ. μή νυν βροτοὺσ μὲν ὠφέλει καιροῦ πέρα, σαυτοῦ δ’ ἀκήδει δυστυχοῦντοσ.

ὡσ ἐγὼ εὐέλπίσ εἰμι τῶνδέ σ’ ἐκ δεσμῶν ἔτι λυθέντα μηδὲν μεῖον ἰσχύσειν Διόσ. οὐ ταῦτα ταύτῃ Μοῖρά πω τελεσφόροσ κρᾶναι πέπρωται, μυρίαισ δὲ πημοναῖσ δύαισ τε καμφθεὶσ ὧδε δεσμὰ φυγγάνω· τέχνη δ’ ἀνάγκησ ἀσθενεστέρα μακρῷ. τίσ οὖν ἀνάγκησ ἐστὶν οἰακοστρόφοσ; Μοῖραι τρίμορφοι μνήμονέσ τ’ Ἐρινύεσ τούτων ἄρα Ζεύσ ἐστιν ἀσθενέστεροσ; οὔκουν ἂν ἐκφύγοι γε τὴν πεπρωμένην. τί γὰρ πέπρωται Ζηνὶ πλὴν ἀεὶ κρατεῖν; τοῦτ’ οὐκέτ’ ἂν πύθοιο μηδὲ λιπάρει. ἦ πού τι σεμνόν ἐστιν ὃ ξυναμπέχεισ. ἄλλου λόγου μέμνησθε, τόνδε δ’ οὐδαμῶσ καιρὸσ γεγωνεῖν, ἀλλὰ συγκαλυπτέοσ ὅσον μάλιστα· τόνδε γὰρ σῴζων ἐγὼ δεσμοὺσ ἀεικεῖσ καὶ δύασ ἐκφυγγάνω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Prometheus Bound, episode

(아이스킬로스, 결박된 프로메테우스, episode)

상위

목록

SEARCH

MENU NAVIGATION