Aeschylus, Prometheus Bound, episode, anapests 1:

(아이스킬로스, 결박된 프로메테우스, episode, anapests 1:)

ἐά· τί χρῆμα λεύσσω; καὶ σὺ δὴ πόνων ἐμῶν ἥκεισ ἐπόπτησ; πῶσ ἐτόλμησασ, λιπὼν ἐπώνυμόν τε ῥεῦμα καὶ πετρηρεφῆ αὐτόκτιτ’ ἄντρα, τὴν σιδηρομήτορα ἐλθεῖν ἐσ αἰᾶν; ἦ θεωρήσων τύχασ ἐμὰσ ἀφῖξαι καὶ συνασχαλῶν κακοῖσ; δέρκου θέαμα, τόνδε τὸν Διὸσ φίλον, τὸν συγκαταστήσαντα τὴν τυραννίδα, οἱαίσ ὑπ’ αὐτοῦ πημοναῖσι κάμπτομαι. ὁρῶ, Προμηθεῦ, καὶ παραινέσαι γέ σοι θέλω τὰ λῷστα, καίπερ ὄντι ποικίλῳ. γίγνωσκε σαυτὸν καὶ μεθάρμοσαι τρόπουσ νέουσ· νέοσ γὰρ καὶ τύραννοσ ἐν θεοῖσ. εἰ δ’ ὧδε τραχεῖσ καὶ τεθηγμένουσ λόγουσ ῥίψεισ, τάχ’ ἄν σου καὶ μακρὰν ἀνωτέρω θακῶν κλύοι Ζεύσ, ὥστε σοι τὸν νῦν ὄχλον παρόντα μόχθων παιδιὰν εἶναι δοκεῖν. ἀλλ’, ὦ ταλαίπωρ’, ἃσ ἔχεισ ὀργὰσ ἄφεσ, ζήτει δὲ τῶνδε πημάτων ἀπαλλαγάσ. ἀρχαῖ’ ἴσωσ σοι φαίνομαι λέγειν τάδε· τοιαῦτα μέντοι τῆσ ἄγαν ὑψηγόρου γλώσσησ, Προμηθεῦ, τἀπίχειρα γίγνεται. σὺ δ’ οὐδέπω ταπεινὸσ οὐδ’ εἴκεισ κακοῖσ, πρὸσ τοῖσ παροῦσι δ’ ἄλλα προσλαβεῖν θέλεισ. οὔκουν ἔμοιγε χρώμενοσ διδασκάλῳ πρὸσ κέντρα κῶλον ἐκτενεῖσ, ὁρῶν ὅτι τραχὺσ μόναρχοσ οὐδ’ ὑπεύθυνοσ κρατεῖ. καὶ νῦν ἐγὼ μὲν εἶμι καὶ πειράσομαι ἐὰν δύνωμαι τῶνδέ σ’ ἐκλῦσαι πόνων. σὺ δ’ ἡσύχαζε μηδ’ ἄγαν λαβροστόμει. ἢ οὐκ οἶσθ’ ἀκριβῶσ ὢν περισσόφρων ὅτι γλώσσῃ ματαίᾳ ζημία προστρίβεται;

상위

Prometheus Bound (결박된 프로메테우스)

목록

일치하는 문장이 없습니다.

SEARCH

MENU NAVIGATION