헬라어 문장 검색 - Αεσξηψ́Προμετή01́0́05́

(아이스킬로스, 결박된 프로메테우스, episode 5:)

καὶ τήνδε νῦν πόρπασον ἀσφαλῶσ, ἵνα μάθῃ σοφιστὴσ ὢν Διὸσ νωθέστεροσ. πλὴν τοῦδ’ ἂν οὐδεὶσ ἐνδίκωσ μέμψαιτό μοι. ἀδαμαντίνου νῦν σφηνὸσ αὐθάδη γνάθον στέρνων διαμπὰξ πασσάλευ’ ἐρρωμένωσ. αἰαῖ, Προμηθεῦ, σῶν ὑπερστένω πόνων. σὺ δ’ αὖ κατοκνεῖσ τῶν Διόσ τ’ ἐχθρῶν ὕπερ στένεισ; ὅπωσ μὴ σαυτὸν οἰκτιεῖσ ποτε. ὁρᾷσ θέαμα δυσθέατον ὄμμασιν. ὁρῶ κυροῦντα τόνδε τῶν ἐπαξίων. ἀλλ’ ἀμφὶ πλευραῖσ μασχαλιστῆρασ βάλε. δρᾶν ταῦτ’ ἀνάγκη, μηδὲν ἐγκέλευ’ ἄγαν. ἦ μὴν κελεύσω κἀπιθωύξω γε πρόσ. χώρει κάτω, σκέλη δὲ κίρκωσον βίᾳ. καὶ δὴ πέπρακται τοὔργον οὐ μακρῷ πόνῳ. ἐρρωμένωσ νῦν θεῖνε διατόρουσ πέδασ· ὡσ οὑπιτιμητήσ γε τῶν ἔργων βαρύσ. ὅμοια μορφῇ γλῶσσά σου γηρύεται. σὺ μαλθακίζου, τὴν δ’ ἐμὴν αὐθαδίαν ὀργῆσ τε τραχύτητα μὴ ’πίπλησσέ μοι. στείχωμεν, ὡσ κώλοισιν ἀμφίβληστρ’ ἔχει. ἐνταῦθα νῦν ὕβριζε καὶ θεῶν γέρα συλῶν ἐφημέροισι προστίθει. τί σοι οἱοῖ́ τε θνητοὶ τῶνδ’ ἀπαντλῆσαι πόνων; ψευδωνύμωσ σε δαίμονεσ Προμηθέα καλοῦσιν· αὐτὸν γάρ σε δεῖ προμηθέωσ, ὅτῳ τρόπῳ τῆσδ’ ἐκκυλισθήσῃ τέχνησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Prometheus Bound, episode 5:

(아이스킬로스, 결박된 프로메테우스, episode 5:)

상위

목록

SEARCH

MENU NAVIGATION