Aeschylus, Persians, episode, anapests

ὦ Ζεῦ βασιλεῦ, νῦν <γὰρ> Περσῶν τῶν μεγαλαύχων καὶ πολυάνδρων στρατιὰν ὀλέσασ ἄστυ τὸ Σούσων ἠδ’ Ἀγβατάνων πένθει δνοφερῷ κατέκρυψασ· πολλαὶ δ’ ἀταλαῖσ χερσὶ καλύπτρασ κατερεικόμεναι διαμυδαλέοισ δάκρυσι κόλπουσ τέγγουσ’, ἄλγουσ μετέχουσαι. αἱ δ’ ἁβρόγοοι Περσίδεσ ἀνδρῶν ποθέουσαι ἰδεῖν ἀρτιζυγίαν, λέκτρων εὐνὰσ ἁβροχίτωνασ, χλιδανῆσ ἥβησ τέρψιν, ἀφεῖσαι, πενθοῦσι γόοισ ἀκορεστοτάτοισ. κἀγὼ δὲ μόρον τῶν οἰχομένων αἴρω δοκίμωσ πολυπενθῆ.