헬라어 문장 검색 - Αεσξηψ́Περσιαν́05́00́6́

(아이스킬로스, 페르시아인들, episode 6:)

ναῶν γε ταγοὶ τῶν λελειμμένων σύδην κατ’ οὖρον οὐκ εὔκοσμον αἴρονται φυγήν· στρατὸσ δ’ ὁ λοιπὸσ ἔν τε Βοιωτῶν χθονὶ διώλλυθ’, οἱ μὲν ἀμφὶ κρηναῖον γάνοσ δίψῃ πονοῦντεσ, οἱ δ’ ὑπ’ ἄσθματοσ κενοὶ διεκπερῶμεν ἔσ τε Φωκέων χθόνα καὶ Δωρίδ’ αἰᾶν, Μηλιᾶ τε κόλπον, οὗ Σπερχειὸσ ἄρδει πεδίον εὐμενεῖ ποτῷ· κἀντεῦθεν ἡμᾶσ γῆσ Ἀχαιίδοσ πέδον καὶ Θεσσαλῶν πόλεισ ὑπεσπανισμένουσ βορᾶσ ἐδέξαντ’· ἔνθα δὴ πλεῖστοι ’θάνον δίψῃ τε λιμῷ τ’· ἀμφότερα γὰρ ἦν τάδε. Μαγνητικὴν δὲ γαῖαν ἔσ τε Μακεδόνων χώραν ἀφικόμεσθ’, ἐπ’ Ἀξίου πόρον, Βόλβησ θ’ ἕλειον δόνακα, Πάγγαιόν τ’ ὄροσ, Ἠδωνίδ’ αἰᾶν· νυκτὶ δ’ ἐν ταύτῃ θεὸσ χειμῶν’ ἀώρον ὦρσε, πήγνυσιν δὲ πᾶν ῥέεθρον ἁγνοῦ Στρυμόνοσ. θεοὺσ δέ τισ τὸ πρὶν νομίζων οὐδαμοῦ τότ’ ηὔχετο λιταῖσι, γαῖαν οὐρανόν τε προσκυνῶν. ἐπεὶ δὲ πολλὰ θεοκλυτῶν ἐπαύσατο στρατόσ, περᾷ κρυσταλλοπῆγα διὰ πόρον· χὤστισ μὲν ἡμῶν πρὶν σκεδασθῆναι θεοῦ ἀκτῖνασ ὡρμήθη, σεσωσμένοσ κυρεῖ. φλέγων γὰρ αὐγαῖσ λαμπρὸσ ἡλίου κύκλοσ μέσον πόρον διῆκε, θερμαίνων φλογί. πῖπτον δ’ ἐπ’ ἀλλήλοισιν· ηὐτύχει δέ τοι ὅστισ τάχιστα πνεῦμ’ ἀπέρρηξεν βίου. ὅσοι δὲ λοιποὶ κἄτυχον σωτηρίασ, Θρῄκην περάσαντεσ μόγισ πολλῷ πόνῳ, ἥκουσιν ἐκφυγόντεσ, οὐ πολλοί τινεσ, ἐφ’ ἑστιοῦχον γαῖαν· ὡσ στένειν πόλιν Περσῶν, ποθοῦσαν φιλτάτην ἥβην χθονόσ. ταῦτ’ ἔστ’ ἀληθῆ· πολλὰ δ’ ἐκλείπω λέγων κακῶν ἃ Πέρσαισ ἐγκατέσκηψεν θεόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Persians, episode 6:

(아이스킬로스, 페르시아인들, episode 6:)

상위

목록

SEARCH

MENU NAVIGATION