Aeschylus, Persians, episode 4:

(아이스킬로스, 페르시아인들, episode 4:)

αἰαῖ, κακῶν δὴ πέλαγοσ ἔρρωγεν μέγα Πέρσαισ τε καὶ πρόπαντι βαρβάρων γένει. εὖ νυν τόδ’ ἴσθι, μηδέπω μεσοῦν κακόν· τοιάδ’ ἐπ’ αὐτοῖσ ἦλθε συμφορὰ πάθουσ ὡσ τοῖσδε καὶ δὶσ ἀντισηκῶσαι ῥοπῇ. καὶ τίσ γένοιτ’ ἂν τῆσδ’ ἔτ’ ἐχθίων τύχη; λέξον τίν’ αὖ φὴσ τήνδε συμφορὰν στρατῷ ἐλθεῖν κακῶν ῥέπουσαν ἐσ τὰ μάσσονα. Περσῶν ὅσοιπερ ἦσαν ἀκμαῖοι φύσιν, ψυχήν τ’ ἄριστοι κεὐγένειαν ἐκπρεπεῖσ, αὐτῷ τ’ ἄνακτι πίστιν ἐν πρώτοισ ἀεί, τεθνᾶσιν αἰσχρῶσ δυσκλεεστάτῳ μόρῳ. οἲ ’γὼ τάλαινα συμφορᾶσ κακῆσ, φίλοι. ποίῳ μόρῳ δὲ τούσδε φὴσ ὀλωλέναι; νῆσόσ τισ ἔστι πρόσθε Σαλαμῖνοσ τόπων, βαιά, δύσορμοσ ναυσίν, ἣν ὁ φιλόχοροσ Πὰν ἐμβατεύει, ποντίασ ἀκτῆσ ἔπι. ἐνταῦθα πέμπει τούσδ’, ὅπωσ, ὅταν νεῶν φθαρέντεσ ἐχθροὶ νῆσον ἐκσῳζοίατο, κτείνοιεν εὐχείρωτον Ἑλλήνων στρατόν, φίλουσ δ’ ὑπεκσῴζοιεν ἐναλίων πόρων, κακῶσ τὸ μέλλον ἱστορῶν. ὡσ γὰρ θεὸσ ναῶν ἔδωκε κῦδοσ Ἕλλησιν μάχησ, αὐθημερὸν φράξαντεσ εὐχάλκοισ δέμασ ὅπλοισι ναῶν ἐξέθρῳσκον· ἀμφὶ δὲ κυκλοῦντο πᾶσαν νῆσον, ὥστ’ ἀμηχανεῖν ὅποι τράποιντο. πολλὰ μὲν γὰρ ἐκ χερῶν πέτροισιν ἠράσσοντο, τοξικῆσ τ’ ἄπο θώμιγγοσ ἰοὶ προσπίτνοντέσ ὤλλυσαν· τέλοσ δ’ ἐφορμηθέντεσ ἐξ ἑνὸσ ῥόθου παίουσι, κρεοκοποῦσι δυστήνων μέλη, ἑώσ ἁπάντων ἐξαπέφθειραν βίον. Ξέρξησ δ’ ἀνῴμωξεν κακῶν ὁρῶν βάθοσ· ἕδραν γὰρ εἶχε παντὸσ εὐαγῆ στρατοῦ, ὑψηλὸν ὄχθον ἄγχι πελαγίασ ἁλόσ· ῥήξασ δὲ πέπλουσ κἀνακωκύσασ λιγύ, πεζῷ παραγγείλασ ἄφαρ στρατεύματι, ἱήσ’ ἀκόσμῳ ξὺν φυγῇ. τοιάνδε σοι πρὸσ τῇ πάροιθε συμφορὰν πάρα στένειν.

상위

Persians (페르시아인들)

목록

일치하는 문장이 없습니다.

SEARCH

MENU NAVIGATION