헬라어 문장 검색 - Αεσξηψ́Περσιαν́05́00́3́

(아이스킬로스, 페르시아인들, episode 3:)

σάλπιγξ δ’ ἀϋτῇ πάντ’ ἐκεῖν’ ἐπέφλεγεν. εὐθὺσ δὲ κώπησ ῥοθιάδοσ ξυνεμβολῇ ἔπαισαν ἅλμην βρύχιον ἐκ κελεύματοσ, θοῶσ δὲ πάντεσ ἦσαν ἐκφανεῖσ ἰδεῖν. τὸ δεξιὸν μὲν πρῶτον εὐτάκτωσ κέρασ ἡγεῖτο κόσμῳ, δεύτερον δ’ ὁ πᾶσ στόλοσ ἐπεξεχώρει, καὶ παρῆν ὁμοῦ κλύειν πολλὴν βοήν, "ὦ παῖδεσ Ἑλλήνων ἴτε, ἐλευθεροῦτε πατρίδ’, ἐλευθεροῦτε δὲ παῖδασ, γυναῖκασ, θεῶν τέ πατρῴων ἕδη, θήκασ τε προγόνων· νῦν ὑπὲρ πάντων ἀγών. " καὶ μὴν παρ’ ἡμῶν Περσίδοσ γλώσσησ ῥόθοσ ὑπηντίαζε, κοὐκέτ’ ἦν μέλλειν ἀκμή. εὐθὺσ δὲ ναῦσ ἐν νηὶ χαλκήρη στόλον ἔπαισεν· ἦρξε δ’ ἐμβολῆσ Ἑλληνικὴ ναῦσ, κἀποθραύει πάντα Φοινίσσησ νεὼσ κόρυμβ’, ἐπ’ ἄλλην δ’ ἄλλοσ ηὔθυνεν δόρυ. τὰ πρῶτα μέν νυν ῥεῦμα Περσικοῦ στρατοῦ ἀντεῖχεν· ὡσ δὲ πλῆθοσ ἐν στενῷ νεῶν ἤθροιστ’ ἀρωγὴ δ’ οὔτισ ἀλλήλοισ παρῆν, αὐτοὶ δ’ ὑφ’ αὑτῶν ἐμβόλοισ χαλκοστόμοισ παίοντ’, ἔθραυον πάντα κωπήρη στόλον, Ἑλληνικαί τε νῆεσ οὐκ ἀφρασμόνωσ κύκλῳ πέριξ ἔθεινον, ὑπτιοῦτο δὲ σκάφη νεῶν, θάλασσα δ’ οὐκέτ’ ἦν ἰδεῖν, ναυαγίων πλήθουσα καὶ φόνου βροτῶν. ἀκταὶ δὲ νεκρῶν χοιράδεσ τ’ ἐπλήθυον, φυγῇ δ’ ἀκόσμῳ πᾶσα ναῦσ ἠρέσσετο, ὅσαιπερ ἦσαν βαρβάρου στρατεύματοσ. τοὶ δ’ ὥστε θύννουσ ἤ τιν’ ἰχθύων βόλον ἀγαῖσι κωπῶν θραύμασίν τ’ ἐρειπίων ἔπαιον, ἐρράχιζον· οἰμωγὴ δ’ ὁμοῦ κωκύμασιν κατεῖχε πελαγίαν ἅλα, ἑώσ κελαινῆσ νυκτὸσ ὄμμ’ ἀφείλετο. κακῶν δὲ πλῆθοσ, οὐδ’ ἂν εἰ δέκ’ ἤματα στοιχηγοροίην, οὐκ ἂν ἐκπλήσαιμί σοι. εὖ γὰρ τόδ’ ἴσθι, μηδάμ’ ἡμέρᾳ μιᾷ πλῆθοσ τοσουτάριθμον ἀνθρώπων θανεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Persians, episode 3:

(아이스킬로스, 페르시아인들, episode 3:)

상위

목록

SEARCH

MENU NAVIGATION