Aeschylus, Persians, episode 2:

(아이스킬로스, 페르시아인들, episode 2:)

ἦρξεν μέν, ὦ δέσποινα, τοῦ παντὸσ κακοῦ φανεὶσ ἀλάστωρ ἢ κακὸσ δαίμων ποθέν. ἀνὴρ γὰρ Ἕλλην ἐξ Ἀθηναίων στρατοῦ ἐλθὼν ἔλεξε παιδὶ σῷ Ξέρξῃ τάδε, ὡσ εἰ μελαίνησ νυκτὸσ ἵξεται κνέφασ, Ἕλληνεσ οὐ μενοῖεν, ἀλλὰ σέλμασιν ναῶν ἐπανθορόντεσ ἄλλοσ ἄλλοσε δρασμῷ κρυφαίῳ βίοτον ἐκσωσοίατο. ὁ δ’ εὐθὺσ ὡσ ἤκουσεν, οὐ ξυνεὶσ δόλον Ἕλληνοσ ἀνδρὸσ οὐδὲ τὸν θεῶν φθόνον, πᾶσιν προφωνεῖ τόνδε ναυάρχοισ λόγον, εὖτ’ ἂν φλέγων ἀκτῖσιν ἥλιοσ χθόνα λήξῃ, κνέφασ δὲ τέμενοσ αἰθέροσ λάβῃ, τάξαι νεῶν στῖφοσ μὲν ἐν στοίχοισ τρισὶν ἔκπλουσ φυλάσσειν καὶ πόρουσ ἁλιρρόθουσ, ἄλλασ δὲ κύκλῳ νῆσον Αἰάντοσ πέριξ· ὡσ εἰ μόρον φευξοίαθ’ Ἕλληνεσ κακόν, ναυσὶν κρυφαίωσ δρασμὸν εὑρόντεσ τινά, πᾶσιν στέρεσθαι κρατὸσ ἦν προκείμενον. τοσαῦτ’ ἔλεξε κάρθ’ ὑπ’ εὐθύμου φρενόσ· οὐ γὰρ τὸ μέλλον ἐκ θεῶν ἠπίστατο. οἱ δ’ οὐκ ἀκόσμωσ, ἀλλὰ πειθάρχῳ φρενὶ δεῖπνόν τ’ ἐπορσύνοντο, ναυβάτησ τ’ ἀνὴρ τροποῦτο κώπην σκαλμὸν ἀμφ’ εὐήρετμον. ἐπεὶ δὲ φέγγοσ ἡλίου κατέφθιτο καὶ νὺξ ἐπῄει, πᾶσ ἀνὴρ κώπησ ἄναξ ἐσ ναῦν ἐχώρει πᾶσ θ’ ὅπλων ἐπιστάτησ· τάξισ δὲ τάξιν παρεκάλει νεὼσ μακρᾶσ· πλέουσι δ’ ὡσ ἕκαστοσ ἦν τεταγμένοσ, καὶ πάννυχοι δὴ διάπλοον καθίστασαν ναῶν ἄνακτεσ πάντα ναυτικὸν λεών. καὶ νὺξ ἐχώρει, κοὐ μάλ’ Ἑλλήνων στρατὸσ κρυφαῖον ἔκπλουν οὐδαμῇ καθίστατο· ἐπεί γε μέντοι λευκόπωλοσ ἡμέρα πᾶσαν κατέσχε γαῖαν εὐφεγγὴσ ἰδεῖν, πρῶτον μὲν ἠχῇ κέλαδοσ Ἑλλήνων πάρα μολπηδὸν ηὐφήμησεν, ὄρθιον δ’ ἅμα ἀντηλάλαξε νησιώτιδοσ πέτρασ ἠχώ· φόβοσ δὲ πᾶσι βαρβάροισ παρῆν γνώμησ ἀποσφαλεῖσιν· οὐ γὰρ ὡσ φυγῇ παιᾶν’ ἐφύμνουν σεμνὸν Ἕλληνεσ τότε, ἀλλ’ ἐσ μάχην ὁρμῶντεσ εὐψύχῳ θράσει·

상위

Persians (페르시아인들)

목록

일치하는 문장이 없습니다.

SEARCH

MENU NAVIGATION