헬라어 문장 검색 - Αεσξηψ́Περσιαν́05́00́2́

(아이스킬로스, 페르시아인들, episode 2:)

ἦρξεν μέν, ὦ δέσποινα, τοῦ παντὸσ κακοῦ φανεὶσ ἀλάστωρ ἢ κακὸσ δαίμων ποθέν. ἀνὴρ γὰρ Ἕλλην ἐξ Ἀθηναίων στρατοῦ ἐλθὼν ἔλεξε παιδὶ σῷ Ξέρξῃ τάδε, ὡσ εἰ μελαίνησ νυκτὸσ ἵξεται κνέφασ, Ἕλληνεσ οὐ μενοῖεν, ἀλλὰ σέλμασιν ναῶν ἐπανθορόντεσ ἄλλοσ ἄλλοσε δρασμῷ κρυφαίῳ βίοτον ἐκσωσοίατο. ὁ δ’ εὐθὺσ ὡσ ἤκουσεν, οὐ ξυνεὶσ δόλον Ἕλληνοσ ἀνδρὸσ οὐδὲ τὸν θεῶν φθόνον, πᾶσιν προφωνεῖ τόνδε ναυάρχοισ λόγον, εὖτ’ ἂν φλέγων ἀκτῖσιν ἥλιοσ χθόνα λήξῃ, κνέφασ δὲ τέμενοσ αἰθέροσ λάβῃ, τάξαι νεῶν στῖφοσ μὲν ἐν στοίχοισ τρισὶν ἔκπλουσ φυλάσσειν καὶ πόρουσ ἁλιρρόθουσ, ἄλλασ δὲ κύκλῳ νῆσον Αἰάντοσ πέριξ· ὡσ εἰ μόρον φευξοίαθ’ Ἕλληνεσ κακόν, ναυσὶν κρυφαίωσ δρασμὸν εὑρόντεσ τινά, πᾶσιν στέρεσθαι κρατὸσ ἦν προκείμενον. τοσαῦτ’ ἔλεξε κάρθ’ ὑπ’ εὐθύμου φρενόσ· οὐ γὰρ τὸ μέλλον ἐκ θεῶν ἠπίστατο. οἱ δ’ οὐκ ἀκόσμωσ, ἀλλὰ πειθάρχῳ φρενὶ δεῖπνόν τ’ ἐπορσύνοντο, ναυβάτησ τ’ ἀνὴρ τροποῦτο κώπην σκαλμὸν ἀμφ’ εὐήρετμον. ἐπεὶ δὲ φέγγοσ ἡλίου κατέφθιτο καὶ νὺξ ἐπῄει, πᾶσ ἀνὴρ κώπησ ἄναξ ἐσ ναῦν ἐχώρει πᾶσ θ’ ὅπλων ἐπιστάτησ· τάξισ δὲ τάξιν παρεκάλει νεὼσ μακρᾶσ· πλέουσι δ’ ὡσ ἕκαστοσ ἦν τεταγμένοσ, καὶ πάννυχοι δὴ διάπλοον καθίστασαν ναῶν ἄνακτεσ πάντα ναυτικὸν λεών. καὶ νὺξ ἐχώρει, κοὐ μάλ’ Ἑλλήνων στρατὸσ κρυφαῖον ἔκπλουν οὐδαμῇ καθίστατο· ἐπεί γε μέντοι λευκόπωλοσ ἡμέρα πᾶσαν κατέσχε γαῖαν εὐφεγγὴσ ἰδεῖν, πρῶτον μὲν ἠχῇ κέλαδοσ Ἑλλήνων πάρα μολπηδὸν ηὐφήμησεν, ὄρθιον δ’ ἅμα ἀντηλάλαξε νησιώτιδοσ πέτρασ ἠχώ· φόβοσ δὲ πᾶσι βαρβάροισ παρῆν γνώμησ ἀποσφαλεῖσιν· οὐ γὰρ ὡσ φυγῇ παιᾶν’ ἐφύμνουν σεμνὸν Ἕλληνεσ τότε, ἀλλ’ ἐσ μάχην ὁρμῶντεσ εὐψύχῳ θράσει·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Persians, episode 2:

(아이스킬로스, 페르시아인들, episode 2:)

상위

목록

SEARCH

MENU NAVIGATION