Aeschylus, Persians, episode

(아이스킬로스, 페르시아인들, episode)

σιγῶ πάλαι δύστηνοσ ἐκπεπληγμένη κακοῖσ· ὑπερβάλλει γὰρ ἥδε συμφορὰ τὸ μήτε λέξαι μήτ’ ἐρωτῆσαι πάθη. ὅμωσ δ’ ἀνάγκη πημονὰσ βροτοῖσ φέρειν θεῶν διδόντων· πᾶν δ’ ἀναπτύξασ πάθοσ λέξον καταστάσ, κεἰ στένεισ κακοῖσ ὅμωσ. τίσ οὐ τέθνηκε, τίνα δὲ καὶ πενθήσομεν τῶν ἀρχελείων, ὅστ’ ἐπὶ σκηπτουχίᾳ ταχθεὶσ ἄνανδρον τάξιν ἠρήμου θανών; Ξέρξησ μὲν αὐτὸσ ζῇ τε καὶ βλέπει φάοσ. ἐμοῖσ μὲν εἶπασ δώμασιν φάοσ μέγα καὶ λευκὸν ἦμαρ νυκτὸσ ἐκ μελαγχίμου. Ἀρτεμβάρησ δὲ μυρίασ ἵππου βραβεὺσ στύφλουσ παρ’ ἀκτὰσ θείνεται Σιληνιῶν. χὠ χιλίαρχοσ Δαδάκησ πληγῇ δορὸσ πήδημα κοῦφον ἐκ νεὼσ ἀφήλατο· Τενάγων τ’ ἀριστεὺσ Βακτρίων ἰθαιγενὴσ θαλασσόπληκτον νῆσον Αἰάντοσ πολεῖ. Λίλαιοσ, Ἀρσάμησ τε κἈργήστησ τρίτοσ, οἵδ’ ἀμφὶ νῆσον τὴν πελειοθρέμμονα δινούμενοι ’κύρισσον ἰσχυρὰν χθόνα· πηγαῖσ τε Νείλου γειτονῶν Αἰγυπτίου Ἀρκτεύσ, Ἀδεύησ, καὶ φερεσσάκησ τρίτοσ Φαρνοῦχοσ, οἵδε ναὸσ ἐκ μιᾶσ πέσον. Χρυσεὺσ Μάταλλοσ μυριόνταρχοσ θανών, ἵππου μελαίνησ ἡγεμὼν τρισμυρίασ, πυρρὰν ζαπληθῆ δάσκιον γενειάδα ἔτεγγ’, ἀμείβων χρῶτα πορφυρέᾳ βαφῇ. καὶ Μᾶγοσ Ἄραβοσ, Ἀρτάβησ τε Βάκτριοσ, σκληρᾶσ μέτοικοσ γῆσ, ἐκεῖ κατέφθιτο. Ἄμιστρισ Ἀμφιστρεύσ τε πολύπονον δόρυ νωμῶν, ὅ τ’ ἐσθλὸσ Ἀριόμαρδοσ Σάρδεσι πένθοσ παρασχών, Σεισάμησ θ’ ὁ Μύσιοσ, Θάρυβίσ τε πεντήκοντα πεντάκισ νεῶν ταγόσ, γένοσ Λυρναῖοσ, εὐειδὴσ ἀνήρ, κεῖται θανὼν δείλαιοσ οὐ μάλ’ εὐτυχῶσ· Συέννεσίσ τε πρῶτοσ εἰσ εὐψυχίαν, Κιλίκων ἄπαρχοσ, εἷσ ἀνὴρ πλεῖστον πόνον ἐχθροῖσ παρασχών εὐκλεῶσ ἀπώλετο. τοσόνδε ταγῶν νῦν ὑπεμνήσθην πέρι. πολλῶν παρόντων δ’ ὀλίγ’ ἀπαγγέλλω κακά.

상위

Persians (페르시아인들)

목록

일치하는 문장이 없습니다.

SEARCH

MENU NAVIGATION