헬라어 문장 검색 - Αεσξηψ́Περσιαν́05́00́0́

(아이스킬로스, 페르시아인들, episode)

σιγῶ πάλαι δύστηνοσ ἐκπεπληγμένη κακοῖσ· ὑπερβάλλει γὰρ ἥδε συμφορὰ τὸ μήτε λέξαι μήτ’ ἐρωτῆσαι πάθη. ὅμωσ δ’ ἀνάγκη πημονὰσ βροτοῖσ φέρειν θεῶν διδόντων· πᾶν δ’ ἀναπτύξασ πάθοσ λέξον καταστάσ, κεἰ στένεισ κακοῖσ ὅμωσ. τίσ οὐ τέθνηκε, τίνα δὲ καὶ πενθήσομεν τῶν ἀρχελείων, ὅστ’ ἐπὶ σκηπτουχίᾳ ταχθεὶσ ἄνανδρον τάξιν ἠρήμου θανών; Ξέρξησ μὲν αὐτὸσ ζῇ τε καὶ βλέπει φάοσ. ἐμοῖσ μὲν εἶπασ δώμασιν φάοσ μέγα καὶ λευκὸν ἦμαρ νυκτὸσ ἐκ μελαγχίμου. Ἀρτεμβάρησ δὲ μυρίασ ἵππου βραβεὺσ στύφλουσ παρ’ ἀκτὰσ θείνεται Σιληνιῶν. χὠ χιλίαρχοσ Δαδάκησ πληγῇ δορὸσ πήδημα κοῦφον ἐκ νεὼσ ἀφήλατο· Τενάγων τ’ ἀριστεὺσ Βακτρίων ἰθαιγενὴσ θαλασσόπληκτον νῆσον Αἰάντοσ πολεῖ. Λίλαιοσ, Ἀρσάμησ τε κἈργήστησ τρίτοσ, οἵδ’ ἀμφὶ νῆσον τὴν πελειοθρέμμονα δινούμενοι ’κύρισσον ἰσχυρὰν χθόνα· πηγαῖσ τε Νείλου γειτονῶν Αἰγυπτίου Ἀρκτεύσ, Ἀδεύησ, καὶ φερεσσάκησ τρίτοσ Φαρνοῦχοσ, οἵδε ναὸσ ἐκ μιᾶσ πέσον. Χρυσεὺσ Μάταλλοσ μυριόνταρχοσ θανών, ἵππου μελαίνησ ἡγεμὼν τρισμυρίασ, πυρρὰν ζαπληθῆ δάσκιον γενειάδα ἔτεγγ’, ἀμείβων χρῶτα πορφυρέᾳ βαφῇ. καὶ Μᾶγοσ Ἄραβοσ, Ἀρτάβησ τε Βάκτριοσ, σκληρᾶσ μέτοικοσ γῆσ, ἐκεῖ κατέφθιτο. Ἄμιστρισ Ἀμφιστρεύσ τε πολύπονον δόρυ νωμῶν, ὅ τ’ ἐσθλὸσ Ἀριόμαρδοσ Σάρδεσι πένθοσ παρασχών, Σεισάμησ θ’ ὁ Μύσιοσ, Θάρυβίσ τε πεντήκοντα πεντάκισ νεῶν ταγόσ, γένοσ Λυρναῖοσ, εὐειδὴσ ἀνήρ, κεῖται θανὼν δείλαιοσ οὐ μάλ’ εὐτυχῶσ· Συέννεσίσ τε πρῶτοσ εἰσ εὐψυχίαν, Κιλίκων ἄπαρχοσ, εἷσ ἀνὴρ πλεῖστον πόνον ἐχθροῖσ παρασχών εὐκλεῶσ ἀπώλετο. τοσόνδε ταγῶν νῦν ὑπεμνήσθην πέρι. πολλῶν παρόντων δ’ ὀλίγ’ ἀπαγγέλλω κακά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aeschylus, Persians, episode

(아이스킬로스, 페르시아인들, episode)

상위

목록

SEARCH

MENU NAVIGATION