Aeschylus, Persians, choral, anapests

ἀλλ’ ἄγε, Πέρσαι, τόδ’ ἐνεζόμενοι στέγοσ ἀρχαῖον, φροντίδα κεδνὴν καὶ βαθύβουλον θώμεθα, χρεία δὲ προσήκει, πῶσ ἄρα πράσσει Ξέρξησ βασιλεὺσ Δαρειογενήσ, τὸ πατρωνύμιον γένοσ ἡμέτερον· πότερον τόξου ῥῦμα τὸ νικῶν, ἢ δορικράνου λόγχησ ἰσχὺσ κεκράτηκεν. ἀλλ’ ἥδε θεῶν ἴσον ὀφθαλμοῖσ φάοσ ὁρμᾶται μήτηρ βασιλέωσ, βασίλεια δ’ ἐμή· προσπίτνω· καὶ προσφθόγγοισ δὲ χρεὼν αὐτὴν πάντασ μύθοισι προσαυδᾶν.