호흡부호 보기
강세부호 보기
장단부호 보기
작은 Iota 보기
모든 부호 보기
Τάδε μὲν Περσῶν τῶν οἰχομένων Ἑλλάδ’ ἐσ αἰᾶν πιστὰ καλεῖται, καὶ τῶν ἀφνεῶν καὶ πολυχρύσων ἑδράνων φύλακεσ, κατὰ πρεσβείαν οὓσ αὐτὸσ ἄναξ Ξέρξησ βασιλεὺσ Δαρειογενὴσ εἵλετο χώρασ ἐφορεύειν. ἀμφὶ δὲ νόστῳ τῷ βασιλείῳ καὶ πολυχρύσου στρατιᾶσ ἤδη κακόμαντισ ἄγαν ὀρσολοπεῖται θυμὸσ ἔσωθεν. πᾶσα γὰρ ἰσχὺσ Ἀσιατογενὴσ ᾤχωκε, νέον δ’ ἄνδρα βαύ̈ζει, κοὔτε τισ ἄγγελοσ οὔτε τισ ἱππεὺσ ἄστυ τὸ Περσῶν ἀφικνεῖται· οἵτε τὸ Σούσων ἠδ’ Ἀγβατάνων καὶ τὸ παλαιὸν Κίσσιον ἑρ́κοσ προλιπόντεσ ἔβαν, τοὶ μὲν ἐφ’ ἵππων. τοὶ δ’ ἐπὶ ναῶν, πεζοί τε βάδην πολέμου στῖφοσ παρέχοντεσ· οἱο͂σ Ἀμίστρησ ἠδ’ Ἀρταφρένησ καὶ Μεγαβάτησ ἠδ’ Ἀστάσπησ, ταγοὶ Περσῶν, βασιλῆσ βασιλέωσ ὕποχοι μεγάλου, σοῦνται, στρατιᾶσ πολλῆσ ἔφοροι, τοξοδάμαντέσ τ’ ἠδ’ ἱπποβάται, φοβεροὶ μὲν ἰδεῖν, δεινοὶ δὲ μάχην ψυχῆσ εὐτλήμονι δόξῃ· Ἀρτεμβάρησ θ’ ἱππιοχάρμησ καὶ Μασίστρησ, ὅ τε τοξοδάμασ ἐσθλὸσ Ἰμαῖοσ, Φαρανδάκησ θ’, ἵππων τ’ ἐλατὴρ Σοσθάνησ. ἄλλουσ δ’ ὁ μέγασ καὶ πολυθρέμμων Νεῖλοσ ἔπεμψεν· Σουσισκάνησ, Πηγασταγὼν Αἰγυπτογενήσ, ὅ τε τῆσ ἱερᾶσ Μέμφιδοσ ἄρχων μέγασ Ἀρσάμησ, τάσ τ’ ὠγυγίουσ Θήβασ ἐφέπων Ἀριόμαρδοσ, καὶ ἑλειοβάται ναῶν ἐρέται δεινοὶ πλῆθόσ τ’ ἀνάριθμοι. ἁβροδιαίτων δ’ ἕπεται Λυδῶν ὄχλοσ, οἵ τ’ ἐπίπαν ἠπειρογενὲσ κατέχουσιν ἔθνοσ, τοὺσ Μητρογαθὴσ Ἀρκτεύσ τ’ ἀγαθόσ, βασιλῆσ δίοποι, καὶ πολύχρυσοι Σάρδεισ ἐπόχουσ πολλοῖσ ἁρ́μασιν ἐξορμῶσιν, δίρρυμά τε καὶ τρίρρυμα τέλη, φοβερὰν ὄψιν προσιδέσθαι. στεῦται δ’ ἱεροῦ Τμώλου πελάται ζυγὸν ἀμφιβαλεῖν δούλιον Ἑλλάδι, Μάρδων, Θάρυβισ, λόγχησ ἄκμονεσ, καὶ ἀκοντισταὶ Μυσοί· Βαβυλὼν δ’ ἡ πολύχρυσοσ πάμμικτον ὄχλον πέμπει σύρδην, ναῶν τ’ ἐπόχουσ καὶ τοξουλκῷ λήματι πιστούσ· τὸ μαχαιροφόρον τ’ ἔθνοσ ἐκ πάσησ Ἀσίασ ἕπεται δειναῖσ βασιλέωσ ὑπὸ πομπαῖσ. τοιόνδ’ ἄνθοσ Περσίδοσ αἰάσ οἴχεται ἀνδρῶν, οὓσ πέρι πᾶσα χθὼν Ἀσιῆτισ θρέψασα πόθῳ στένεται μαλερῷ, τοκέεσ τ’ ἄλοχοί θ’ ἡμερολεγδὸν τείνοντα χρόνον τρομέονται.
호흡부호 보기
강세부호 보기
장단부호 보기
작은 Iota 보기
모든 부호 보기