헬라어 문장 검색 - Αεσξηψ́Λιβατιό05́

(아이스킬로스, Libation Bearers, episode)

πάτερ, τρόποισιν οὐ τυραννικοῖσ θανών, αἰτουμένῳ μοι δὸσ κράτοσ τῶν σῶν δόμων. κἀγώ, πάτερ, τοιάνδε σου χρείαν ἔχω, φυγεῖν μέγαν προσθεῖσαν Αἰγίσθῳ <φθόρον>. οὕτω γὰρ ἄν σοι δαῖτεσ ἔννομοι βροτῶν κτιζοίατ’· εἰ δὲ μή, παρ’ εὐδείπνοισ ἔσῃ ἄτιμοσ ἐμπύροισι κνισωτοῖσ χθονόσ. κἀγὼ χοάσ σοι τῆσ ἐμῆσ παγκληρίασ οἴσω πατρῴων ἐκ δόμων γαμηλίουσ· πάντων δὲ πρῶτον τόνδε πρεσβεύσω τάφον. ὦ Γαῖ’, ἄνεσ μοι πατέρ’ ἐποπτεῦσαι μάχην. ὦ Περσέφασσα, δὸσ δ’ ἔτ’ εὔμορφον κράτοσ. μέμνησο λουτρῶν οἷσ ἐνοσφίσθησ, πάτερ. μέμνησο δ’ ἀμφίβληστρον ὡσ ἐκαίνισαν. πέδαισ δ’ ἀχαλκεύτοισ ἐθηρεύθησ, πάτερ. αἰσχρῶσ τε βουλευτοῖσιν ἐν καλύμμασιν. ἆρ’ ἐξεγείρῃ τοῖσδ’ ὀνείδεσιν, πάτερ; ἆρ’ ὀρθὸν αἴρεισ φίλτατον τὸ σὸν κάρα; ἤτοι δίκην ἰάλλε σύμμαχον φίλοισ, ἢ τὰσ ὁμοίασ ἀντίδοσ λαβὰσ λαβεῖν, εἴπερ κρατηθείσ γ’ ἀντινικῆσαι θέλεισ. καὶ τῆσδ’ ἄκουσον λοισθίου βοῆσ, πάτερ, ἰδὼν νεοσσοὺσ τούσδ’ ἐφημένουσ τάφῳ· οἴκτιρε θῆλυν ἄρσενόσ θ’ ὁμοῦ γόνον, καὶ μὴ ’ξαλείψῃσ σπέρμα Πελοπιδῶν τόδε οὕτω γὰρ οὐ τέθνηκασ οὐδὲ περ θανών· παῖδεσ γὰρ ἀνδρὶ κληδόνεσ σωτήριοι θανόντι· φελλοὶ δ’ ὣσ ἄγουσι δίκτυον, τὸν ἐκ βυθοῦ κλωστῆρα σῴζοντεσ λίνου. ἄκου’, ὑπὲρ σοῦ τοιάδ’ ἔστ’ ὀδύρματα. αὐτὸσ δὲ σῴζῃ τόνδε τιμήσασ λόγον. καὶ μὴν ἀμεμφῆ τόνδ’ ἐτείνατον λόγον, τίμημα τύμβου τῆσ ἀνοιμώκτου τύχησ.

τὰ δ’ ἄλλ’, ἐπειδὴ δρᾶν κατώρθωσαι φρενί, ἔρδοισ ἂν ἤδη δαίμονοσ πειρώμενοσ. ἔσται· πυθέσθαι δ’ οὐδέν ἐστ’ ἔξω δρόμου, πόθεν χοὰσ ἔπεμψεν, ἐκ τίνοσ λόγου μεθύστερον τιμῶσ’ ἀνήκεστον πάθοσ; θανόντι δ’ οὐ φρονοῦντι δειλαία χάρισ ἐπέμπετ’· οὐκ ἔχοιμ’ ἂν εἰκάσαι τόδε. τὰ δῶρα μείω δ’ ἐστὶ τῆσ ἁμαρτίασ. τὰ πάντα γάρ τισ ἐκχέασ ἀνθ’ αἵματοσ ἑνόσ, μάτην ὁ μόχθοσ· ὧδ’ ἔχει λόγοσ. θέλοντι δ’, εἴπερ οἶσθ’, ἐμοὶ φράσον τάδε. οἶδ’, ὦ τέκνον, παρῆ γάρ· ἔκ τ’ ὀνειράτων καὶ νυκτιπλάγκτων δειμάτων πεπαλμένη χοὰσ ἔπεμψε τάσδε δύσθεοσ γυνή. ἦ καὶ πέπυσθε τοὔναρ, ὥστ’ ὀρθῶσ φράσαι; τεκεῖν δράκοντ’ ἔδοξεν, ὡσ αὐτὴ λέγει. καὶ ποῖ τελευτᾷ καὶ καρανοῦται λόγοσ; ἐν ι παιδὸσ ὁρμίσαι δίκην. τίνοσ βορᾶσ χρῄζοντα, νεογενὲσ δάκοσ; αὐτὴ προσέσχε μαζὸν ἐν τὠνείρατι. καὶ πῶσ ἄτρωτον οὖθαρ ἦν ὑπὸ στύγουσ; ὥστ’ ἐν γάλακτι θρόμβον αἵματοσ σπάσαι. οὔτοι μάταιον· ἀνδρὸσ ὄψανον πέλει. ἡ δ’ ἐξ ὕπνου κέκλαγγεν ἐπτοημένη. πολλοὶ δ’ ἀνῇθον, ἐκτυφλωθέντεσ σκότῳ, λαμπτῆρεσ ἐν δόμοισι δεσποίνησ χάριν· πέμπει τ’ ἔπειτα τάσδε κηδείουσ χοάσ, ἄκοσ τομαῖον ἐλπίσασα πημάτων. ἀλλ’ εὔχομαι γῇ τῇδε καὶ πατρὸσ τάφῳ τοὔνειρον εἶναι τοῦτ’ ἐμοὶ τελεσφόρον.

κρίνω δέ τοί νιν ὥστε συγκόλλωσ ἔχειν. εἰ γὰρ τὸν αὐτὸν χῶρον ἐκλιπὼν ἐμοὶ οὕφισ ἐμοῖσι σπαργάνοισ ὡπλίζετο, καὶ μαστὸν ἀμφέχασκ’ ἐμὸν θρεπτήριον, θρόμβῳ δ’ ἔμειξεν αἵματοσ φίλον γάλα, ἡ δ’ ἀμφὶ τάρβει τῷδ’ ἐπῴμωξεν πάθει, δεῖ τοί νιν, ὡσ ἔθρεψεν ἔκπαγλον τέρασ, θανεῖν βιαίωσ· ἐκδρακοντωθεὶσ δ’ ἐγὼ κτείνω νιν, ὡσ τοὔνειρον ἐννέπει τόδε. τερασκόπον δὴ τῶνδέ σ’ αἱροῦμαι πέρι. γένοιτο δ’ οὕτωσ. τἄλλα δ’ ἐξηγοῦ φίλοισ, τοὺσ μέν τι ποιεῖν, τοὺσ δὲ μή τι δρᾶν λέγων. ἁπλοῦσ ὁ μῦθοσ· τήνδε μὲν στείχειν ἔσω, αἰνῶ δὲ κρύπτειν τάσδε συνθήκασ ἐμάσ, ὡσ ἂν δόλῳ κτείναντεσ ἄνδρα τίμιον δόλοισι καὶ ληφθῶσιν ἐν ταὐτῷ βρόχῳ θανόντεσ, καὶ Λοξίασ ἐφήμισεν, ἄναξ Ἀπόλλων, μάντισ ἀψευδὴσ τὸ πρίν. ξένῳ γὰρ εἰκώσ, παντελῆ σαγὴν ἔχων, ἥξω σὺν ἀνδρὶ τῷδ’ ἐφ’ ἑρκείουσ πύλασ Πυλάδῃ, ξένοσ τε καὶ δορύξενοσ δόμων.

ἄμφω δὲ φωνὴν ἥσομεν Παρνησσίδα, γλώσσησ ἀυτὴν Φωκίδοσ μιμουμένω. καὶ δὴ θυρωρῶν οὔτισ ἂν φαιδρᾷ φρενὶ δέξαιτ’, ἐπειδὴ δαιμονᾷ δόμοσ κακοῖσ· μενοῦμεν οὕτωσ ὥστ’ ἐπεικάζειν τινὰ δόμουσ παραστείχοντα καὶ τάδ’ ἐννέπειν· "τί δὴ πύλαισι τὸν ἱκέτην ἀπείργεται Αἴγισθοσ, εἴπερ οἶδεν ἔνδημοσ παρών; εἰ δ’ οὖν ἀμείψω βαλὸν ἑρκείων πυλῶν κἀκεῖνον ἐν θρόνοισιν εὑρήσω πατρόσ, ἢ καὶ μολὼν ἔπειτά μοι κατὰ στόμα ἀρεῖ, σάφ’ ἴσθι, καὶ κατ’ ὀφθαλμοὺσ βαλεῖ, πρὶν αὐτὸν εἰπεῖν "ποδαπὸσ ὁ ξένοσ;

νεκρὸν θήσω, ποδώκει περιβαλὼν χαλκεύματι. φόνου δ’ Ἐρινὺσ οὐχ ὑπεσπανισμένη ἄκρατον αἷμα πίεται τρίτην πόσιν. νῦν οὖν σὺ μὲν φύλασσε τἀν οἴκῳ καλῶσ, ὅπωσ ἂν ἀρτίκολλα συμβαίνῃ τάδε·

ὑμῖν δ’ ἐπαινῶ γλῶσσαν εὔφημον φέρειν, σιγᾶν θ’ ὅπου δεῖ καὶ λέγειν τὰ καίρια. τὰ δ’ ἄλλα τούτῳ δεῦρ’ ἐποπτεῦσαι λέγω, ξιφηφόρουσ ἀγῶνασ ὀρθώσαντί μοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Libation Bearers, episode

(아이스킬로스, Libation Bearers, episode)

상위

목록

SEARCH

MENU NAVIGATION