Aeschylus, Libation Bearers, episode 11:

(아이스킬로스, Libation Bearers, episode 11:)

αὐτὸν μὲν οὖν ὁρῶσα δυσμαθεῖσ ἐμέ· κουρὰν δ’ ἰδοῦσα τήνδε κηδείου τριχὸσ ἰχνοσκοποῦσά τ’ ἐν στίβοισι τοῖσ ἐμοῖσ ἀνεπτερώθησ κἀδόκεισ ὁρᾶν ἐμέ. σκέψαι τομῇ προσθεῖσα βόστρυχον τριχὸσ σαυτῆσ ἀδελφοῦ σύμμετρον τὠμῷ κάρᾳ. ἰδοῦ δ’ ὕφασμα τοῦτο, σῆσ ἔργον χερόσ, σπάθησ τε πληγὰσ ἠδὲ θήρειον γραφήν. ἔνδον γενοῦ, χαρᾷ δὲ μὴ ’κπλαγῇσ φρένασ· τοὺσ φιλτάτουσ γὰρ οἶδα νῷν ὄντασ πικρούσ. ὦ φίλτατον μέλημα δώμασιν πατρόσ, δακρυτὸσ ἐλπὶσ σπέρματοσ σωτηρίου, ἀλκῇ πεποιθὼσ δῶμ’ ἀνακτήσῃ πατρόσ. ὦ τερπνὸν ὄμμα τέσσαρασ μοίρασ ἔχον ἐμοί· προσαυδᾶν δ’ ἐστ’ ἀναγκαίωσ ἔχον πατέρα τε, καὶ τὸ μητρὸσ ἐσ σέ μοι ῥέπει στέργηθρον· ἡ δὲ πανδίκωσ ἐχθαίρεται· καὶ τῆσ τυθείσησ νηλεῶσ ὁμοσπόρου· πιστὸσ δ’ ἀδελφὸσ ἦσθ’, ἐμοὶ σέβασ φέρων μόνοσ· Κράτοσ τε καὶ Δίκη σὺν τῷ τρίτῳ πάντων μεγίστῳ Ζηνὶ συγγένοιτό σοι. Ζεῦ Ζεῦ, θεωρὸσ τῶνδε πραγμάτων γενοῦ· ἰδοῦ δὲ γένναν εὖνιν αἰετοῦ πατρόσ, θανόντοσ ἐν πλεκταῖσι καὶ σπειράμασιν δεινῆσ ἐχίδνησ. τοὺσ δ’ ἀπωρφανισμένουσ νῆστισ πιέζει λιμόσ· οὐ γὰρ ἐντελεῖσ θήραν πατρῴαν προσφέρειν σκηνήμασιν. οὕτω δὲ κἀμὲ τήνδε τ’, Ἠλέκτραν λέγω, ἰδεῖν πάρεστί σοι, πατροστερῆ γόνον, ἄμφω φυγὴν ἔχοντε τὴν αὐτὴν δόμων. καὶ τοῦ θυτῆροσ καί σε τιμῶντοσ μέγα πατρὸσ νεοσσοὺσ τούσδ’ ἀποφθείρασ πόθεν ἕξεισ ὁμοίασ χειρὸσ εὔθοινον γέρασ; οὔτ’ αἰετοῦ γένεθλ’ ἀποφθείρασ, πάλιν πέμπειν ἔχοισ ἂν σήματ’ εὐπιθῆ βροτοῖσ· οὔτ’ ἀρχικόσ σοι πᾶσ ὅδ’ αὐανθεὶσ πυθμὴν βωμοῖσ ἀρήξει βουθύτοισ ἐν ἤμασιν. κόμιζ’, ἀπὸ σμικροῦ δ’ ἂν ἄρειασ μέγαν δόμον, δοκοῦντα κάρτα νῦν πεπτωκέναι.

상위

Libation Bearers

목록

일치하는 문장이 없습니다.

SEARCH

MENU NAVIGATION