헬라어 문장 검색 - Αεσξηψ́Λιβατιό03́00́03́

(아이스킬로스, Libation Bearers, episode 3:)

αἰδουμένη σοι βωμὸν ὡσ τύμβον πατρὸσ λέξω, κελεύεισ γάρ, τὸν ἐκ φρενὸσ λόγον. λέγοισ ἄν, ὥσπερ ᾐδέσω τάφον πατρόσ. φθέγγου χέουσα κεδνὰ τοῖσιν εὔφροσιν. τίνασ δὲ τούτουσ τῶν φίλων προσεννέπω; πρῶτον μὲν αὑτὴν χὤστισ Αἴγισθον στυγεῖ. ἐμοί τε καὶ σοί τἄρ’ ἐπεύξομαι τάδε; αὐτὴ σὺ ταῦτα μανθάνουσ’ ἤδη φράσαι. τίν’ οὖν ἔτ’ ἄλλον τῇδε προστιθῶ στάσει; μέμνησ’ Ὀρέστου, κεἰ θυραῖόσ ἐσθ’ ὅμωσ. εὖ τοῦτο, κἀφρένωσασ οὐχ ἥκιστά με. τοῖσ αἰτίοισ νῦν τοῦ φόνου μεμνημένη ‐ τί φῶ; δίδασκ’ ἄπειρον ἐξηγουμένη. ἐλθεῖν τιν’ αὐτοῖσ δαίμον’ ἢ βροτῶν τινα ‐ πότερα δικαστὴν ἢ δικηφόρον λέγεισ; ἅπλῶσ τι φράζουσ’, ὅστισ ἀνταποκτενεῖ. καὶ ταῦτά μοὐστὶν εὐσεβῆ θεῶν πάρα; πῶσ δ’ οὐ τὸν ἐχθρὸν ἀνταμείβεσθαι κακοῖσ; κῆρυξ μέγιστε τῶν ἄνω τε καὶ κάτω, <ἄρηξον,> Ἑρμῆ χθόνιε, κηρύξασ ἐμοὶ τοὺσ γῆσ ἔνερθε δαίμονασ κλύειν ἐμὰσ εὐχάσ, πατρῴων δωμάτων ἐπισκόπουσ, καὶ Γαῖαν αὐτήν, ἣ τὰ πάντα τίκτεται, θρέψασά τ’ αὖθισ τῶνδε κῦμα λαμβάνει· κἀγὼ χέουσα τάσδε χέρνιβασ βροτοῖσ λέγω καλοῦσα πατέρ’, "ἐποίκτιρόν τ’ ἐμὲ φίλον τ’ Ὀρέστην· πῶσ ἀνάξομεν δόμοισ; πεπραμένοι γὰρ νῦν γέ πωσ ἀλώμεθα πρὸσ τῆσ τεκούσησ, ἄνδρα δ’ ἀντηλλάξατο Αἴγισθον, ὅσπερ σοῦ φόνου μεταίτιοσ. κἀγὼ μὲν ἀντίδουλοσ· ἐκ δὲ χρημάτων φεύγων Ὀρέστησ ἐστίν, οἱ δ’ ὑπερκόπωσ ἐν τοῖσι σοῖσ πόνοισι χλίουσιν μέγα. ἐλθεῖν δ’ Ὀρέστην δεῦρο σὺν τύχῃ τινὶ κατεύχομαί σοι, καὶ σὺ κλῦθί μου, πάτερ· αὐτῇ τέ μοι δὸσ σωφρονεστέραν πολὺ μητρὸσ γενέσθαι χεῖρά τ’ εὐσεβεστέραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Libation Bearers, episode 3:

(아이스킬로스, Libation Bearers, episode 3:)

상위

목록

SEARCH

MENU NAVIGATION