Aeschylus, Eumenides, choral, anapests

ἄγε δὴ καὶ χορὸν ἅψωμεν, ἐπεὶ μοῦσαν στυγερὰν ἀποφαίνεσθαι δεδόκηκεν, λέξαι τε λάχη τὰ κατ’ ἀνθρώπουσ ὡσ ἐπινωμᾷ στάσισ ἁμά. εὐθυδίκαιοι δ’ οἰόμεθ’ εἶναι· τὸν μὲν καθαρὰσ χεῖρασ προνέμοντ’ οὔτισ ἐφέρπει μῆνισ ἀφ’ ἡμῶν, ἀσινὴσ δ’ αἰῶνα διοιχνεῖ· ὅστισ δ’ ἀλιτὼν ὥσπερ ὅδ’ ἁνὴρ χεῖρασ φονίασ ἐπικρύπτει, μάρτυρεσ ὀρθαὶ τοῖσι θανοῦσιν παραγιγνόμεναι πράκτορεσ αἵματοσ αὐτῷ τελέωσ ἐφάνημεν.