Aeschylus, Eumenides, episode

(아이스킬로스, 에우메니데스, episode)

ἔξω, κελεύω, τῶνδε δωμάτων τάχοσ χωρεῖτ’, ἀπαλλάσσεσθε μαντικῶν μυχῶν, μὴ καὶ λαβοῦσα πτηνὸν ἀργηστὴν ὄφιν, χρυσηλάτου θώμιγγοσ ἐξορμώμενον, ἀνῇσ ὑπ’ ἄλγουσ μέλαν’ ἀπ’ ἀνθρώπων ἀφρόν, ἐμοῦσα θρόμβουσ οὓσ ἀφείλκυσασ φόνου. οὔτοι δόμοισι τοῖσδε χρίμπτεσθαι πρέπει· ἀλλ’ οὗ καρανιστῆρεσ ὀφθαλμωρύχοι δίκαι σφαγαί τε σπέρματόσ τ’ ἀποφθορᾷ παίδων κακοῦται χλοῦνισ, ἠδ’ ἀκρωνία, λευσμόσ τε, καὶ μύζουσιν οἰκτισμὸν πολὺν ὑπὸ ῥάχιν παγέντεσ. ἆρ’ ἀκούετε οἱάσ ἑορτῆσ ἔστ’ ἀπόπτυστοι θεοῖσ στέργηθρ’ ἔχουσαι; πᾶσ δ’ ὑφηγεῖται τρόποσ μορφῆσ. λέοντοσ ἄντρον αἱματορρόφου οἰκεῖν τοιαύτασ εἰκόσ, οὐ χρηστηρίοισ ἐν τοῖσδε πλησίοισι τρίβεσθαι μύσοσ. χωρεῖτ’ ἄνευ βοτῆροσ αἰπολούμεναι. ποίμνησ τοιαύτησ δ’ οὔτισ εὐφιλὴσ θεῶν. ἄναξ Ἄπολλον, ἀντάκουσον ἐν μέρει. αὐτὸσ σὺ τούτων οὐ μεταίτιοσ πέλῃ, ἀλλ’ εἷσ τὸ πᾶν ἔπραξασ ὢν παναίτιοσ. πῶσ δή; τοσοῦτο μῆκοσ ἔκτεινον λόγου. ἔχρησασ ὥστε τὸν ξένον μητροκτονεῖν. ἔχρησα ποινὰσ τοῦ πατρὸσ πρᾶξαι. τί μήν ; κἄπειθ’ ὑπέστησ αἵματοσ δέκτωρ νέου. καὶ προστραπέσθαι τούσδ’ ἐπέστελλον δόμουσ. καὶ τὰσ προπομποὺσ δῆτα τάσδε λοιδορεῖσ; οὐ γὰρ δόμοισι τοῖσδε πρόσφορον μολεῖν. ἀλλ’ ἔστιν ἡμῖν τοῦτο προστεταγμένον. τίσ ἥδε τιμή; κόμπασον γέρασ καλόν. τοὺσ μητραλοίασ ἐκ δόμων ἐλαύνομεν. τί γὰρ γυναικὸσ ἥτισ ἄνδρα νοσφίσῃ; οὐκ ἂν γένοιθ’ ὅμαιμοσ αὐθέντησ φόνοσ.

상위

Eumenides (에우메니데스)

목록

일치하는 문장이 없습니다.

SEARCH

MENU NAVIGATION